समुपदेशनानंतरही घडला तोच प्रकार

या प्रकारानंतर हे कुटुंब ब्रिटनवरून केरलमला परतले. परत आल्यानंतर आरोपीचे तीन दिवस समुपदेशन (काउंसलिंग) करण्यात आले, मात्र तरीही त्याच्या वर्तनात कोणताही फरक पडला नाही. आरोप आहे की, समुपदेशनानंतरही त्याने बालिकेचा समावेश असलेला आणखी एक व्हिडिओ रेकॉर्ड केला. पत्नीने या कृत्याला विरोध दर्शवला असता पतीने तिला बेदम मारहाण केली. या मारहाणीत गंभीर जखमी झालेल्या पत्नीला रुग्णालयात दाखल करावे लागले. रुग्णालयात उपचार सुरू असताना पोलिसांनी पीडित महिला आणि तिच्या निष्पाप मुलीचा जबाब नोंदवून घेतला अन् आरोपीविरोधात गुन्हा दाखल केला.

हे ही वाचा : रोहित पवारांच्या पीएची मुलगी पार्किंगमध्ये कशी सापडली? सगळी स्टोरी मुंबई Tak वर

वाइफ स्वॅपिंगचा दबाव

तपासादरम्यान पोलिसांनी संबंधित व्हिडिओंची पाहणी केली. या प्रकरणातील अत्याचाराचे गांभीर्य लक्षात घेऊन आरोपीविरोधात बालकांचे लैंगिक अपराधांपासून संरक्षण करणाऱ्या 'पॉक्सो' (POCSO) कायद्याअंतर्गत स्वतंत्र गुन्हा दाखल करण्यात आला आहे. गुन्हा दाखल झाल्याचे समजताच आरोपी फरार झाला होता, मात्र पोलिसांनी तांत्रिक तपासाच्या आधारे त्याचा शोध घेऊन त्याला बेड्या ठोकल्या. पीडितेचे वकील प्रशांत व्ही. कुरुप यांनी आरोपीवर पत्नीला 'वाइफ स्वॅपिंग'साठी दबाव टाकल्याचाही गंभीर आरोप केला आहे. तसेच सुरुवातीला पोलिसांनी या तपासात दिरंगाई केली होती, परंतु उच्च न्यायालयात जाण्याचा इशारा दिल्यानंतर पोलिसांनी वेगाने हालचाली करत आरोपीला अटक केली.

हे ही वाचा : Ground Report : जल जीवन मिशनच्या कंत्राटदारांचं पुन्हा आंदोलन, सरकार कधी दखल घेणार?

सायबर सेलच्या मदतीने तपास

सध्या पोलीस या प्रकरणाचा सखोल तपास करत असून आरोपीचा मोबाईल फोन आणि इतर पुरावे जप्त करण्यात आले आहेत. हे आक्षेपार्ह व्हिडिओ कुठे आणि कसे अपलोड करण्यात आले, याचा शोध सायबर सेलच्या मदतीने घेतला जात आहे. कौटुंबिक हिंसाचार, व्हिडिओ व्हायरल करणे आणि पोक्सो कायद्यांतर्गत दाखल झालेल्या या गुन्ह्यांमुळे परिसरात संताप व्यक्त केला जात आहे. न्यायालयीन प्रक्रिया आणि पोलीस तपासाअंती या प्रकरणातील सर्व तथ्यांची अधिकृत पुष्टी होणार आहे.