17 वर्षीय मुलीवर बलात्कार करुन हत्या, कुजलेली बॉडी कुत्रे खाऊ लागले, 4 आरोपी अटकेत

पोलिसांनी दिलेल्या माहितीनुसार, मुलगी आणि आरोपी एकमेकांच्या ओळखीचे होते. ती त्यांच्यासोबत टेम्पोमध्ये गेली होती. याच टेम्पोमध्ये त्यांनी मद्यपान केल्याचा आणि त्यानंतर मुलीवर लैंगिक अत्याचार करून तिच्यावर चाकूने वार केल्याचा आरोप आहे.

हेही वाचा : 'सिलेंडर आणायचाय? चला सोडतो', शेजाऱ्याने लिफ्ट देण्याच्या बहाण्याने महिलेला मित्राच्या घरी नेलं अन्...

50 हून अधिक सीसीटीव्ही तपासले, टेम्पोच्या हालचालीवरून आरोपींपर्यंत पोहोचले

मुलगी बेपत्ता असल्याची तक्रार तिच्या कुटुंबीयांनी दाखल केली नव्हती. ती अनेकदा घरातून बाहेर जाऊन काही दिवसांनी परत येत असे, अशी माहिती कुटुंबीयांनी पोलिसांना दिली. या प्रकरणात बीएनएस आणि पॉक्सो कायद्यातील संबंधित कलमांनुसार गुन्हा दाखल करण्यात आला. घटनास्थळी प्रत्यक्षदर्शी नसल्याने आणि सुरुवातीला आरोपींची ओळख पटली नसल्याने पोलिसांनी परिसरातील तसेच लगतच्या मार्गांवरील 50 हून अधिक सीसीटीव्ही कॅमेऱ्यांचे फुटेज तपासले. या तपासादरम्यान संबंधित वेळेत घटनास्थळाजवळून एक टेम्पो जात असल्याचे पोलिसांच्या लक्षात आले. अंधारामुळे टेम्पोचा नंबर स्पष्ट दिसत नव्हता. त्यामुळे विविध सीसीटीव्ही ठिकाणांवरील त्याच्या हालचालींचा माग काढण्यात आला. 

हेही वाचा : आदित्य ठाकरेंना थेट 500 कोटींची मानहानीची नोटीस, नेमकं प्रकरण काय?

15 आणि 16 सप्टेंबरच्या मध्यरात्री राबवलेल्या शोधमोहिमेनंतर हा टेम्पो स्वरूप नगर परिसरातील खड्डा कॉलनीत सापडला. त्याच्या चालकाची ओळख पटवून त्याची चौकशी करण्यात आली. त्यानंतर या प्रकरणाशी संबंधित चार जणांना ताब्यात घेण्यात आले. यामध्ये शिवम उर्फ सुदामा उर्फ चुचू या प्रौढ आरोपीसह 16 आणि 17 वर्षांच्या तीन अल्पवयीनांचा समावेश आहे. पोलिसांनी या प्रकरणात कथितरित्या वापरलेले दोन चाकू, आरोपींनी घातलेले कपडे आणि टेम्पो जप्त केला आहे. घटनेचा नेमका क्रम, ताब्यात घेतलेल्या प्रत्येक व्यक्तीची भूमिका तसेच फॉरेन्सिक आणि तांत्रिक पुराव्यांची पडताळणी करण्यासाठी पुढील तपास सुरू आहे.