पत्नीला नशेचं औषध देऊन बेशुद्ध केलं, नंतर गळा दाबून... शेवटी, मृतदेह विहिरीत फेकला अन्...

पोलिसांच्या चौकशीदरम्यान, आरोपी पतीने आपला गुन्हा कबूल केला असून पत्नीच्या हत्येचा संपूर्ण कट रचल्याचं उघड केलं. पतीच्या निर्देशानुसार, आज पहाटे 4 वाजता गावातील एका विहिरीतून महिलेचा मृतदेह ताब्यात घेण्यात आला.

15 वर्षांपूर्वी झालं लग्न...

मेरठमधील अजराडा गावातील रहिवासी गुलशन प्रवीण नावाच्या महिलेचं सुमारे 15 वर्षांपूर्वी हापूड जिल्ह्यातील सिंभावली पोलीस स्टेशन परिसरातील वेट गावाचा रहिवासी मोहम्मद आझाद नावाच्या तरुणासोबत लग्न झालं होते. या जोडप्याला चार मुलं असल्याची माहिती आहे. लग्नानंतर काही दिवसांनंतर या दोघांमध्ये भांडणे सुरू असल्याचं मृत महिलेच्या कुटुंबियांनी सांगितलं. पीडितेचा पती तिला बऱ्याचदा मारहाण करत असायचा. 

पती नोकरी करत नसल्याने आर्थिक अडचण...

मोहम्मद आझाद काम करत नसल्याने घरातील आर्थिक अडचणींमुळे त्रस्त असलेल्या त्याच्या पत्नीने त्याला बाहेर जाऊन काम करण्यास सांगितलं असल्याचा आरोप आहे. यामुळे पती-पत्नीमध्ये बऱ्यादा वाद व्हायचे. गेल्या काही काळापासून हा वाद सुरू होता. आरोपी पतीने यावरून पत्नीला सतत मारहाण केली. महिन्याभरापूर्वीच हा वाद महिला पोलिस ठाण्यात पोहोचला. 

हे ही वाचा: ऑनलाइन प्रेमाच्या जाळ्यात फसली विवाहिता! आधी न्यूड व्हिडीओ, नंतर लाखो रुपये अन्...

मृत महिलेच्या कुटुंबियांची दिशाभूल करण्याचा प्रयत्न 

16 सप्टेंबर रोजी आरोपीने मुलीच्या भावाला फोन करून तिच्या आईशी बोलणं केलं होतं, यामध्ये त्याने सांगितलं की त्याची पत्नी त्याला न सांगता कुठेतरी गेली असल्याचं कुटुंबियांनी सांगितलं. हे ऐकल्यानंतर कुटुंबातील सदस्य हापूड जिल्ह्यातील त्यांच्या मुलीच्या घरी पोहोचले तेव्हा आरोपीने त्यांची दिशाभूल केली आणि त्यांची मुलगी कुठेतरी पळून गेली असल्याचं त्याने सांगितलं. पोलिसांची दिशाभूल करण्यासाठी, पत्नीची हत्या केल्यानंतर आरोपी पतीने पोलीस स्टेशनमध्ये जाऊन पत्नी बेपत्ता झाल्याची तक्रार नोंदवली.

15 फूट खोल विहिरीत मृतदेह लपवून ठेवला 

मृताच्या कुटुंबियांना आरोपी पतीवर संशय आला आणि त्यांनी स्थानिक पोलिसांकडे तक्रार दाखल करत त्याच्यावर कारवाईची मागणी केली. यानंतर, पोलिसांनी आरोपी पतीला ताब्यात घेतलं आणि घटनेबाबत त्याची चौकशी केली. पोलिसांच्या कठोर चौकशीदरम्यान, आरोपी पतीने त्याच्या गुन्हा कबूल केला. चौकशीदरम्यान त्याने आधी त्याच्या पत्नीला नशेचं औषध देऊन बेशुद्ध केलं आणि नंतर तिचा गळा दाबून खून केला. त्यानंतर त्याने तिचे हात, पाय आणि तोंड दोरीने बांधले असल्याचं आरोपीने कबूल केलं. यानंतर, मृतदेह प्लास्टिकच्या पिशवीत भरून गावातील जंगलातील एका विहिरीत सुमारे 15 फूट खोल लपवून माती आणि लाकडाने झाकण्यात आला.

हे ही वाचा: पतीच्या मोबाईलमध्ये पाहिले 'ते' चॅट्स, पत्नी प्रचंड संतापली अन् जाब विचारताच घडली भयानक घटना...

आरोपी पतीने त्याच्या एका मित्राच्या मदतीने ई-रिक्षातून मृतदेह विहिरीत नेला. सध्या पोलीस त्या मित्राचा शोध घेत असल्याचं सांगितलं जात आहे. पोलिसांनी मृत महिलेच्या कुटुंबियांनी केलेल्या तक्रारीच्या आधारे गुन्हा दाखल केला असून प्रकरणातील आरोपींचा तपास सुरू असल्याची माहिती आहे.