घटनेचा तपशील

पोलिसांच्या चौकशीत समोर आले आहे की, आरोपी पीयूषने 10 फेब्रुवारी रोजी द्वारकापुरी येथील अंकल गल्लीतील आपल्या खोलीवर गर्लफ्रेंडला बोलावले होते. व्हॅलेंटाईन वीकनिमित्त खास गिफ्ट देणार असल्याचे सांगून त्याने तिला तिथे आणले होते. खोलीत आल्यानंतर त्याने तिला आधी मॅगी बनवून दिली आणि त्यानंतर आपल्या कटकारस्थानाला सुरुवात केली. पोलीस सूत्रांनुसार, पीयूषने गर्लफ्रेंडला भेटण्यापूर्वीच मेडिकल स्टोअरमधून सेक्स पॉवर वाढवणाऱ्या गोळ्या घेतल्या होत्या.

एमबीएच्या विद्यार्थिनीला मॅगी खाऊ घातल्यानंतर त्याने सांगितले की, त्याला आता गिफ्ट द्यायचे आहे आणि त्यासाठी तिला डोळ्यांवर पट्टी बांधावी लागेल. गर्लफ्रेंड यासाठी तयार झाल्यावर त्याने बोलण्यात गुंतवून तिचे हात-पाय बांधले. यानंतर त्याने आपला खरा हेतू उघड केला आणि संबंध ठेवण्याचा प्रयत्न करू लागला. मुलीने तब्येत ठीक नसल्याचे सांगून नकार दिल्यावर पीयूष संतापला. पोलीस तपासात समोर आले आहे की, आरोपीने जबरदस्तीने संबंध ठेवले आणि युवतीच्या तोंडात कपडा कोंबला. यानंतर तिच्या छातीवर बसून गळा दाबला, ज्यामुळे युवती बेशुद्ध झाली आणि तिचा मृत्यू झाला.

हेही वाचा : घराजवळ शौचास बसला होता, घरमालकाने गच्चीवरुन फेकून मारली फरशी, तरुणाचा मृत्यू; मृतदेह रस्त्यावर ठेऊन नागरिकांनी केला रास्ता रोको

हत्येनंतरही क्रूरता सुरूच

सर्वात धक्कादायक खुलासा हा आहे की, हत्येनंतरही आरोपी खोलीतून बाहेर पडला नाही. पोलिसांनुसार, तो सुमारे अडीच तास खोलीतच होता. या काळात त्याने बिअर प्यायली आणि मृत युवतीच्या मृतदेहावरही अमानुष कृत्य करत राहिला. युवतीचा मृत्यू झाल्याचे त्याला माहीत असूनही त्याची क्रूरता थांबली नाही.

सीसीटीव्हीमध्ये कैद झाली संपूर्ण घटना

घटनास्थळाच्या आसपास लावलेल्या सीसीटीव्ही कॅमेऱ्यांमध्ये आरोपीची ये-जा रेकॉर्ड झाली आहे. फुटेजमध्ये तो युवतीसोबत खोलीत प्रवेश करताना आणि घटनेनंतर बॅग घेऊन बाहेर पडताना दिसला. पोलिसांनी सांगितले की, ही संपूर्ण घटना पूर्वनियोजित होती आणि आरोपीला आधीच याची कल्पना होती की, प्रकरण गंभीर होऊ शकते.

आरोपी वारंवार बदलतोय जबाब

द्वारकापुरी पोलीस ठाण्याचे पोलीस आरोपी पीयूष धामनोदियाला तीन दिवसांच्या रिमांडवर घेऊन सतत चौकशी करत आहेत. चौकशीदरम्यान आरोपी वारंवार आपले जबाब बदलत आहे, परंतु तांत्रिक पुरावे आणि वैद्यकीय तपासणी अहवालातून अनेक महत्त्वाचे तथ्य समोर आले आहेत. अधिकाऱ्यांनुसार, आरोपीने स्वतः कबूल केले आहे की, त्याने युवतीवर संबंध ठेवण्यासाठी दबाव आणला आणि विरोध केल्यावर तिची हत्या केली.

इतर महत्त्वाच्या बातम्या 

घराजवळ शौचास बसला होता, घरमालकाने गच्चीवरुन फेकून मारली फरशी, तरुणाचा मृत्यू; मृतदेह रस्त्यावर ठेऊन नागरिकांनी केला रास्ता रोको