वडिलांचा मृत्यू झालाय म्हणत टॅक्सी बुक केली, पण दुर्गंधीमुळे चालकाला संशय आला, अन्...

हेही वाचा : मुंबई : नजर काढण्याच्या बहाण्याने घरात शिरला, बहुरुपी तृतीयपंथीयाचा महिलेवर लैंगिक अत्याचार

कुऱ्हाडीने वडिलांवर हल्ला, मृतदेह घरात लपवला 

पोलिसांच्या माहितीनुसार, सवाई रामचे वडिलांसोबत वारंवार वाद होत होते. जगदीश दारू प्यायल्यानंतर वाद घालत असल्याचा आरोप सवाई रामने केला. 18 ऑगस्टच्या रात्री दोघांमध्ये वाद झाला. हा वाद वाढला. त्यानंतर सवाई रामने कुऱ्हाडीने वडिलांवर हल्ला केला. या हल्ल्यात जगदीश यांचा मृत्यू झाला.

हत्येनंतर सवाई रामने मृतदेह घरात लपवला. जवळपास एक दिवस मृतदेह घरातच होता. त्यानंतर त्याने मृतदेह तोदराईसिंग येथे नेण्याचे ठरवले. त्यासाठी त्याने टॅक्सी बोलावली. टॅक्सी चालकाला वडिलांचा मृत्यू झाल्याचे त्याने सांगितले. मात्र, चालकाला मृतदेहातून दुर्गंधी आली. त्यामुळे त्याला संशय आला. त्याने पोलिसांना माहिती दिली. पोलिस घटनास्थळी पोहोचले. मृतदेह घेऊन जाण्यापूर्वीच सवाई रामला अटक करण्यात आली.

हेही वाचा : 'आई, कॉलेजला जाते..' प्रियकराच्या फ्लॅटमध्ये कुजलेल्या अवस्थेत तरुणीचा मृतदेह, काय घडलं?

जामीनावर बाहेर आले, पण भयंकर कांड घडलं 

या कुटुंबावर यापूर्वीही हत्येचा आरोप होता. 2024 मध्ये जगदीश, त्यांची पत्नी आणि दोन्ही मुलांवर त्यांच्या सुनेच्या हत्येचा आरोप झाला होता. या प्रकरणात चौघांनाही तुरुंगात पाठवण्यात आले होते. जगदीश यांचा मोठा मुलगा अजूनही तुरुंगात आहे. जगदीश, त्यांची पत्नी आणि सवाई राम यांना सुमारे चार महिन्यांपूर्वी जामीन मिळाला होता.