हिंगोली : बिस्किस्टाचे अमिष दाखवून 13 वर्षीय भोळसर मुलीवर सामुहिक बलात्कार, चौघांना अटक

हेही वाचा : खासदारपुत्राच्या भरधाव कारने तरुणीला चिरडले, तरीही अटक नाहीच; नेमकं कारण काय?

पीडित मुलगी मानसिकदृष्ट्या आजारी असल्याचे पोलिस प्रशासनाने सांगितले आहे. तिच्या भोळसरपणाचा आणि मानसिक स्थितीचा फायदा आरोपींनी घेतल्याची माहिती समोर आली आहे. या प्रकाराची माहिती घरातील सदस्यांना उशिरा मिळाली. त्यामुळे घटनेनंतर काही काळाने हा प्रकार समोर आला.  अत्याचारामुळे पीडित मुलीची प्रकृती खालावली आहे. तिला तातडीने रुग्णालयात उपचारासाठी दाखल करण्यात आले आहे. 

हेही वाचा : मुंबई : नजर काढण्याच्या बहाण्याने घरात शिरला, बहुरुपी तृतीयपंथीयाचा महिलेवर लैंगिक अत्याचार

दरम्यान, आज शिवसेना पक्षप्रमुख उद्धव ठाकरे यांनी पीडित मुलीच्या आईशी फोनवरून संवाद साधला. या घटनेबद्दल आपल्याला माहिती मिळाल्याचे त्यांनी सांगितले. तसेच, “आम्ही सगळेजण तुमच्या सोबत आहोत. तुम्हाला न्याय मिळवून दिला जाईल. शेवटपर्यंत तुमच्या सोबत आम्ही आहोत. लढू आणि आरोपीला शिक्षा देऊ,” असा विश्वास उद्धव ठाकरे यांनी पीडित मुलीच्या आईला दिला. या फोनवरील संवादातून त्यांनी कुटुंबीयांना पाठिंबा देत न्यायासाठी शेवटपर्यंत सोबत राहण्याचे आश्वासन दिले आहे.