मामाच्या घरी सापडली चावी

मुलगी बेपत्ता असल्यामुळे तिचे कुटुंब स्वतःच तिचा शोध घेत होते. यादरम्यान तिच्या आईला आणि चुलत भावाला माहिती मिळाली की तिचा ओळखीचा आणि चोलापूर येथील रहिवासी असलेला विवेक चौबे हा तरुणदेखील गायब आहे. शोधमोहिमेदरम्यान विवेकच्या मामाच्या घरी एका पिशवीत त्याच्या भाड्याच्या खोलीची चावी सापडली.

हे ही वाचा : मुंबई : नजर काढण्याच्या बहाण्याने घरात शिरला, बहुरुपी तृतीयपंथीयाचा महिलेवर लैंगिक अत्याचार

बाथरुममध्ये काय दिसलं?

तरुणीच्या आईने ती चावी घेऊन विवेकच्या भाड्याच्या खोलीवर जाऊन कुलूप उघडले. घरात प्रवेश करताच प्रचंड दुर्गंधी येत असल्याने त्यांनी बाथरुममध्ये जाऊन पाहिले असता, तेथे त्यांच्या मुलीचा कुजलेला मृतदेह आढळून आला. तरुणीच्या वडिलांनी तिच्या लग्नाचे नियोजन शेजारच्या गावातील एका तरुणाशी केले होते, याच कारणावरून विवेकने तिची हत्या करून मृतदेह बाथरुममध्ये लपवला आणि तिथून पळ काढला, असा गंभीर आरोप तिच्या कुटुंबाने केला आहे.

हे ही वाचा : खासदारपुत्राच्या भरधाव कारने तरुणीला चिरडले, तरीही अटक नाहीच; नेमकं कारण काय?

नातेवाईक आरोपी फरार

घटनास्थळी पोहोचलेल्या स्थानिक पोलिसांनी मृतदेह ताब्यात घेऊन शवविच्छेदनासाठी पाठवला आहे. मृत तरुणीचा मृतदेह ज्या खोलीत आढळला ती खोली विवेक चौबेने भाड्याने घेतली होती आणि तो तरुणीच्या कुटुंबाचा नातेवाईकदेखील आहे. या प्रकरणी पोलिसांनी आरोपी विवेक चौबेचा शोध घेण्यासाठी चार विशेष पथके तयार केली असून पोलीस पुढील तपास करत आहेत.