हे ही वाचा : ग्रामीण पुण्यात बेपत्ता तरुणाची निर्घृणपणे हत्या, मृतदेह कुजलेल्या अवस्थेत आढळल्याने एकच खळबळ

भररस्त्यात गळा चिरला

सोमवारी (16 मार्च) रात्री साडे नऊच्या सुमारास चठ्ठा ते मीरा साहिब मार्गावरील एका पुलाजवळ रक्ताच्या थारोळ्यात पडलेला एक मृतदेह आढळल्याने खळबळ उडाली होती. मृत बलबीर सिंह यांच्या गळ्यावर धारदार शस्त्राने इतका खोलवर वार करण्यात आला होता की, प्रचंड रक्तस्त्रावामुळे त्यांचा जागीच मृत्यू झाला. घटनेची माहिती मिळताच एसएसपी जोगिंदर सिंह यांच्या मार्गदर्शनाखाली पोलिसांनी वेगाने चक्रे फिरवली. मृतदेहाची अवस्था पाहून ही हत्या आकस्मिक नसून पूर्ण नियोजनाने केली असल्याचे प्राथमिक दृष्ट्या समोर आले होते.

सीसीटीव्ही फुटेज आणि मेव्हण्याचा डाव

तपासादरम्यान पोलिसांनी परिसरातील सीसीटीव्ही फुटेज तपासले असता, एका स्कूटीवर दोन संशयास्पद व्यक्ती बलबीर सिंह यांचा पाठलाग करताना दिसल्या. याच धाग्यावरून पोलिसांनी तांत्रिक आणि मानवी गुप्तचर यंत्रणेच्या मदतीने तपास केला आणि अवघ्या 24 तासांत देवेंद्र सिंह आणि त्याचा मित्र रविंदर सिंह ऊर्फ फतेह यांना बेड्या ठोकल्या. मुख्य आरोपी देवेंद्र सिंह हा मृताचा सख्खा मेव्हणा निघाला. त्याने आपला मित्र रविंदर, जो व्यवसायाने मांस विक्रेता आहे, त्याला या कटात सामील करून घेतले होते. हत्येसाठी रविंदरच्या दुकानातील धारदार सुऱ्याचा वापर करण्यात आला होता.

हे ही वाचा : शौचालयाच्या छतावर आढळला तरुणाचा विवस्त्र मृतदेह, हातात कंडोमचे पाकीट अन्.., धक्कादायक प्रकरण

दुसऱ्या लग्नाची वाद आणि शेवट

पोलिसी खाक्या दाखवताच आरोपींनी आपला गुन्हा कबूल केला आहे. बलबीर सिंह यांनी केलेल्या दुसऱ्या लग्नानंतर घरात सातत्याने वाद होत होते आणि याच रागातून मेव्हण्याने त्यांच्या हत्येचा कट रचला. हत्येनंतर आरोपींनी गुन्ह्यात वापरलेला सुरा नाल्यात फेकून दिला होता, जो जप्त करण्याचे काम सुरू आहे. 'नात्याला काळिमा फासणारी ही घटना असून, आरोपींवर कठोर कारवाई केली जाईल,' असे आश्वासन पोलिसांनी दिले आहे. या कारवाईमुळे जम्मू पोलिसांनी केवळ 24 तासांत गुन्ह्याचा उलगडा करून गुन्हेगारांना अटक केली आहे.