UAE मध्ये भारतीय व्यक्तीचा मर्डर, मृतदेहाचे 9 तुकडे केले, पत्नी 'बेपत्ता' असल्याने सस्पेन्स वाढला

हेही वाचा : 'हे इतकं विषारी होत चाललंय..', साहिल वाकोडे आत्महत्या प्रकरणावर राज ठाकरेंची पोस्ट

प्रकाश यांनी फोन न उचलता 'तो' संदेश पाठवला

प्रकाश यांचे भाऊ अनिल प्रशांत कुंदर यांनी सांगितल्यानुसार, 20 जुलैच्या आसपास त्यांनी प्रकाश यांच्याशी संपर्क साधण्याचा प्रयत्न केला. प्रकाश यांनी फोन न उचलता आपण ठीक असल्याचा मजकूर पाठवला. मात्र, प्रकाश नेहमी व्हॉइस मेसेजद्वारे संवाद साधत असल्याने हा संदेश कुटुंबीयांना संशयास्पद वाटला. त्यानंतर सुमारे आठवड्याने अनिल यांनी पुन्हा संपर्क साधण्याचा प्रयत्न केला, मात्र कोणताही प्रतिसाद मिळाला नाही. त्यामुळे त्यांनी शारजाहमधील प्रकाश यांचे क्लासमेट मनोहर यांच्याशी संपर्क साधून प्रकाश यांची माहिती घेण्यास सांगितले. मनोहर प्रकाश यांना कंपनीने दिलेल्या फ्लॅटवर गेले असता वॉचमनने प्रकाश भारतात गेल्याचे कथितपणे सांगितले. कंपनीच्या एचआर विभागाकडूनही सुरुवातीला कुटुंबीयांना प्रकाश भारतात गेल्याचे सांगण्यात आले. मात्र, अनिल यांनी प्रकाश भारतात परतले नसल्याचे कंपनीला सांगितल्यानंतर त्यांच्या ठिकाणाचा शोध घेण्याची विनंती केली.

हेही वाचा : कॉमेडियन पुलकित मणी यांना मंचावर बोलवणं आणि पीएम मोदी यांची मिमिक्री करणं हा अपमान?

एका कारमध्ये प्रकाश यांचा मृतदेह आढळला

यानंतर पासपोर्ट तपासल्यानंतर प्रकाश अजूनही शारजाहमध्येच असल्याचे समोर आले आणि त्यांच्या बेपत्ता होण्याची तक्रार दाखल करण्यात आली. शोधमोहीम सुरू असताना ओमानला जाणाऱ्या मार्गावर उभ्या असलेल्या एका कारमध्ये प्रकाश यांचा मृतदेह आढळला. त्यांच्या भावाच्या म्हणण्यानुसार, मृतदेहाचे नऊ तुकडे करून ते दोन बॅगमध्ये ठेवण्यात आले होते. त्यानंतर मृतदेहाची ओळख प्रकाश कुंदर म्हणून करण्यात आली. या हत्येशी संबंधित परिस्थितीची चौकशी सुरू असल्याचे सांगितले जात आहे. मात्र, शारजाहच्या अधिकाऱ्यांनी अद्याप संशयितांची ओळख किंवा हत्येमागील कारण सार्वजनिक केलेले नाही.

या प्रकरणातील सर्वात मोठे गुढ प्रकाश यांची पत्नी टीना आणि त्यांचा मुलगा यांचा ठावठिकाणा न लागणे हे आहे. प्रकाश यांच्या मृत्यूनंतर दोघांबाबत कोणतीही माहिती समोर आलेली नाही. ते शारजाहमधून निघून भारतात आले असावेत, अशा बातम्या आहेत. मात्र ते सध्या नेमके कुठे आहेत, याची अद्याप खात्री झालेली नाही. पत्नीच्या संभाव्य भूमिकेबाबतही संशय व्यक्त करण्यात आला आहे, परंतु त्याची पुष्टी झालेली नाही आणि हत्येत त्यांचा सहभाग असल्याची कोणतीही ठोस माहिती उपलब्ध नाही. 

प्रकाश आणि त्यांच्या पत्नीमध्ये कोणताही वाद असल्याची माहिती आपल्याला नसल्याचे कुटुंबीयांनी सांगितले आहे. प्रकाश यांचे भाऊ अनिल यांनी उडुपीच्या पोलीस अधीक्षकांची भेट घेऊन मदत मागितली आहे. यूएईमधील कायदेशीर प्रक्रिया पूर्ण होण्याची कुटुंबीय प्रतीक्षा करत असून त्यानंतर प्रकाश यांचा मृतदेह भारतात आणण्याची प्रक्रिया होणार आहे. कुटुंबीयांनी शारजाहच्या अधिकाऱ्यांकडे हत्या, मृतदेह सापडण्याची परिस्थिती तसेच टीना आणि त्यांच्या मुलाच्या ठिकाणाबाबत अधिक माहिती देण्याची मागणी केली आहे.