हे ही वाचा : 'तु मला आवडतेस', म्हणत जालन्यात सासऱ्याने सुनेला मागून मिठीत धरले, नंतर खाली पाडून...

वृद्धेने मुलीला दिली माहिती

या घटनेनंतर पीडित वृद्ध महिलेने दुसऱ्या दिवशी सकाळी आपल्या मुलीला याबद्दल माहिती दिली. पीडितेची मुलगी शेजारच्याच गावात राहते. माहिती मिळताच तिने तातडीने आईला गाठले आणि तिला जिल्हा रुग्णालयात दाखल केले, जिथे त्यांच्यावर उपचार सुरू करण्यात आले आहेत. डॉक्टरांनी दिलेल्या माहितीनुसार, हल्ल्यादरम्यान वृद्धेला गंभीर जखमा झाल्या आहेत, मात्र सध्या त्यांची प्रकृती धोक्याबाहेर असल्याचे सांगण्यात येत आहे. पोलिसांनी या प्रकरणाची गांभीर्याने दखल घेत तातडीने गुन्हा दाखल केला असून तपास पथके रवाना केली आहेत.

सामूहिक बलात्काराचा गुन्हा दाखल

पोलिसांनी सांगितले की, सामूहिक बलात्काराचा गुन्हा दाखल करण्यात आला असून तपासासाठी एसआयटी स्थापन करण्यात आली आहे. या पथकाचे नेतृत्व अतिरिक्त पोलीस अधीक्षक करत आहेत. याशिवाय, आरोपींचा शोध घेण्यासाठी तीन वेगळी पोलीस पथके तैनात करण्यात आली आहेत. पोलिसांनी आरोपींची माहिती देणाऱ्यास 10 हजार रुपयांचे बक्षीस जाहीर केले आहे. सध्या पोलीस आसपासच्या परिसरातील संशयास्पद लोकांची चौकशी करत असून ठिकठिकाणी छापेमारी सुरू आहे.

हे ही वाचा : बलात्कार पीडितेकडे गावाला मटण अन् दारुची पार्टी देण्याची मागणी, पंचायतीचा अजब निर्णय; पोलिस काय करताहेत?

आरोपींना कठोर शिक्षेची मागणी

या घटनेमुळे खंडवा जिल्ह्यात प्रचंड खळबळ उडाली असून वृद्ध महिलांच्या सुरक्षेचा प्रश्न पुन्हा एकदा ऐरणीवर आला आहे. पोलिसांनी दिलेल्या आश्वासनानुसार, तांत्रिक पुरावे आणि गुप्त माहितीच्या आधारे आरोपींच्या मुसक्या आवळण्याचे काम युद्धपातळीवर सुरू आहे. 90 वर्षांच्या वृद्धेसोबत घडलेल्या या अमानवीय कृत्यामुळे गावकऱ्यांमध्ये दहशतीचे वातावरण आहे. आरोपींना लवकरात लवकर अटक करून त्यांना कठोर शिक्षा मिळावी, अशी मागणी सर्व स्तरांतून होत आहे.