नांदेड हादरलं, अनैतिक संबंध टिकवण्यासाठी पत्नीचं मोठं कांड, प्रियकराच्या मदतीने पतीला जिवंत नदीत फेकलं

दारूच्या नशेत असलेल्या पतीला नदीच्या पुलावरून फेकून दिले

अधिकची माहिती अशी की, किनवट तालुक्यात अनैतिक संबंधात अडथळा ठरणाऱ्या पतीचा काटा काढण्यासाठी पत्नीने प्रियकराच्या मदतीने कट रचला. दारूच्या नशेत असलेल्या पतीला पैनगंगा नदीच्या पुलावरून जिवंत फेकून दिले होते. तब्बल दीड महिन्यानंतर किनवट पोलिसांनी या खुनाच्या प्रकरणाचा लावला छडा आणि पत्नी आणि तिच्या प्रियकराला ठोकल्या बेड्या.

किनवटच्या सिंदगी (मो.) येथील मूळ रहिवासी मात्र, गोकुंदा येथे वास्तव्यास असलेले विनोद किशन भगत (वय 51) यांचा संसार सुरू होता. त्याचवेळी त्यांची पत्नी प्रियंका हिचे किनवट शहरातील शेख रफीक याच्यासोबत अनैतिक संबंध जुळले. पती विनोद भगत या संबंधात अडथळा ठरत होता. त्यामुळे पत्नी प्रियंका आणि प्रियकर शेख रफीक यांनी संगनमत करुन कट रचला. 29 ऑगस्ट रोजी रात्रीच्या वेळी दारूच्या नशेत असलेल्या विनोद भगत यास मराठवाडा-विदर्भाला जोडणाऱ्या पैनगंगा नदीवरील खरबी पुलावरून जिवंत फेकून दिले. यानंतर मयताची पत्नी प्रियंका हिने 3 सप्टेंबर 2025 रोजी किनवट पोलिस ठाण्यात पती बेपत्ता झाल्याची तक्रार दाखल केली.

दरम्यान, हत्या झालेल्या पतीच्या बहिणींनी भावाचा घातपात झाल्याचा संशय व्यक्त केला. हाच धागा पकडून पोलिस निरीक्षक देवीदास चोपडे यांच्या पथकाने तपास सुरू केला. तपासादरम्यान, फिर्यादी असलेल्या पत्नीच्या मोबाइलमधील एका क्रमांकावर वारंवार झालेले कॉल पोलिसांना संशयास्पद वाटले. त्या नंबरच्या व्यक्तीला (प्रियकर शेख रफीक) ताब्यात घेऊन चौकशी केली असता त्याने गुन्ह्याची कबुली दिली आणि खुनाचे रहस्य उघड झाले. पोलिस अधीक्षक अबिनाश कुमार, अपर पोलिस अधीक्षक अर्चना पाटील आणि उपविभागीय पोलिस अधिकारी रामकृष्ण मळघणे यांच्या तपासामुळे हा सर्व प्रकार उघडकीस आलाय

सुरुवातीला प्रियंका हिनेच 3 सप्टेंबर रोजी किनवट पोलीस ठाण्यात 'मिसिंग रिपोर्ट' दाखल केला. मात्र, विनोद यांच्या बहिणींना प्रियंका आणि शेख रफिक यांच्या अनैतिक संबंधांचा संशय आला. स्थानिक नागरिकांनीही प्रियंका आणि शेख रफिक हे एकत्र येत असल्याची माहिती दिली. या संशयावरून विनोद यांची बहीण नंदा पाटील यांनी 11 ऑक्टोबर रोजी पोलिसांकडे तक्रार दिली. सीडीआर तपासातून खुनाचे रहस्य उलगडले बहिणीच्या तक्रारीनंतर किनवट पोलिसांनी मोबाईल कॉल रेकॉर्ड (सीडीआर) तपासला असता, प्रियंका आणि प्रियकर शेख रफिक यांच्यात वारंवार संपर्क असल्याचे उघड झाले. पोलिसांनी संशयित शेख फयाज याची कसून चौकशी केली असता, त्याने क्रूर कृत्याचे भयावह सत्य सांगितले

अंगठीवरून मृतदेहाची ओळख, महागाव तालुक्यात सापडले प्रेत

या घटनेनंतर किनवट पोलीसने महागाव पोलीस ठाण्याच्या मदतीने पोलिसांनी 2 सप्टेंबर रोजी नदीत सापडलेल्या मृतदेहाचे फोटो, कपडे आणि तांब्याची अंगठी मयत विनोद बहीण नंदा पाटील यांना दाखवली. नंदा पाटील यांनी भावाला दिलेली ती अंगठी ओळखून मृतदेहाची खात्रीपूर्वक ओळख पटवली. याप्रकरणी पोलिसांनी प्रियकर शेख रफिक शेख रशीद (वय 43) आणि पत्नी प्रियंका विनोद भगत (वय 41) या दोघांविरुद्ध खुनासह ॲट्रॉसिटीचा गुन्हा दाखल केला आहे. पुढील तपास किनवट चे DYSP रामकृष्ण मळघने हे तपास करीत आहेत.

इतर महत्त्वाच्या बातम्या 

मुंबईतील राम मंदिर स्टेशनवर महिलेची प्रसुती करणारा तरूण महाराष्ट्रातील कोणत्या तालुक्यातला? रोहित पवारांकडून कौतुकांचा वर्षाव