Nashik Crime : शेजाऱ्यासोबचा वाद विकोपाला, बाप-बेट्यांनी खून केला, मृताचं शीर कापून थेट पोलीस स्टेशनमध्येच...

एका अधिकाऱ्यानं गुरुवारी सांगितलं की, ही घटना दिंडोरी तालुक्यातील ननाशी गावात बुधवारी सकाळी घडली. त्यानंतर पोलिसांनी आरोपीला अटक केली आणि त्याच्या मुलाला ताब्यात घेतलं, मात्र त्याच्या वयाबद्दलची पडताळणी सुरू आहे असं पीटीआयच्या वृत्तामधून समोर आलंय. 

हे ही वाचा >> Beed : बीडमध्ये पुन्हा तशीच घटना, माजी सरपंचाला उचललं, डांबून ठेवलं, पायात कुलूप असलेल्या अवस्थेत...

सुरेश बोके या 40 वर्षाच्या आरोपीने आणि त्यांच्या मुलाने शेजारी असलेल्या गुलाब रामचंद्र वाघमारे यांची कुऱ्हाडीने आणि विळ्याने हल्ला करत खून केला. एका अधिकाऱ्यानं सांगितलं की, या घटनेनंतर दोन्ही आरोपी मृताचं शीर आणि हत्येसाठी वापरलेली शस्त्रं घेऊन थेट ननाशी पोलीस स्टेशनला पोहोचले. 

दरम्यान, या घटनेमुळे परिसरात एवढा संताप निर्माण झाला की, जेव्हा स्थानिक लोकांना या घटनेची माहिती मिळाली तेव्हा, त्यांनी आरोपी पिता-पुत्राच्या घराची तोडफोड करतत्यांची कारही पेटवून दिली.

हे ही वाचा >>Sudarshan Ghule Beed : भाईगिरीचा नाद, नेत्यांचा 'शागीर्द', काळ्या स्कॉर्पिओवाला सुदर्शन घुले कोण? Santosh Deshmukh Case

सुरक्षेच्या कारणास्तव, स्थानिक पोलिसांसह, जवळपासच्या पोलिस ठाण्यांचे कर्मचारी आणि राज्य राखीव पोलिस दल (SRPF) देखील या गावात तैनात करण्यात आलं आहेत.

दोन्ही शेजाऱ्यांमध्ये होता वाद

"शेजारी राहणाऱ्या दोन्ही कुटुंबांमध्ये बऱ्याच वर्षांपासून वाद सुरू होते. त्यांनी 31 डिसेंबर रोजी एकमेकांविरुद्ध पोलिसात तक्रारही दाखल केली होती. मृत व्यक्ती आणि त्याच्या मुलानं आपल्या मुलीला पळून जाण्यास मदत केल्याच्या संशयावरून त्यांच्या ही हत्या करण्यात आली." असं पोलिसांकडून समजलं आहे. 

मृताची पत्नी मीनाबाई (34) हिच्या तक्रारीच्या आधारे, भारतीय न्याय संहिता (BNS) चे कलम 103 (1) (हत्या), 352 (शांतता भंग करण्याच्या हेतूने हेतुपुरस्सर अपमान), 351 (2) अंतर्दत गुन्हा नोंदवण्यात आला.

आरोपी बापाला अटक, मुलगा ताब्यात

"आरोपी बोकेला अटक करण्यात आली आहे, तर त्याच्या मुलाला ताब्यात घेण्यात आले आहे. सुरक्षेच्या कारणास्तव दोघांनाही दिंडोरी पोलिसांच्या ताब्यात देण्यात आले आहे. त्यांना लवकरच न्यायालयात हजर केलं जाईल," असं या पोलिसांनी सांगितलं आहे.