भाऊबीजेच्या दिवशीच सख्ख्या बहिणीची चाकूने भोसकून हत्या! भावाने का केलं असं निर्दयी कृत्य?

पीडितेवर चाकूने वार करून हत्या 

23 ऑक्टोबर रोजी बांगरमऊ पोलीस स्टेशन हद्दीतील चिंगरपुरवा गावात एका 16 वर्षीय अल्पवयीन मुलीची निर्घृणपणे हत्या करण्यात आली. पीडितेच्या सख्ख्या भावानेच तिच्यावर चाकूने वार करून तिची हत्या केली. पोलिसांनी या प्रकरणातील आरोपीला म्हणजेच मृत तरुणीच्या भावाला अटक केली आहे. सुरूवातीला पीडितेच्या चुलत भावावर तिच्या हत्येचा आरोप करण्यात आला होता. मात्र, पोलिसांच्या तपासादरम्यान तो निर्दोष असल्याचं सिद्ध झालं. 

प्रकरणाचा आणखी खोल तपास केला असता पीडित तरुणीच्या सख्ख्या भावानेच आपल्या बहिणीची हत्या केल्याचं समोर आलं. आरोपी अंकितने त्याच्या बहिणीची हत्या करून त्याचा आरोप आपल्या चुलत भावावर लावण्याचा कट रचला होता. 

हे ही वाचा: तरुण रुग्णालयातील वॉशरूममध्ये गेल्यानंतर नर्सने विनयभंग केला... आता तुरुंगवास आणि चाबकाच्या फटक्यांची शिक्षा

प्रियकरासोबत सतत फोनवर बोलायची 

पोलिसांच्या चौकशीदरम्यान आरोपी अंकितने पोलिसांना सांगितलं की, त्याची लहान बहीण सफीपुर येथे राहणाऱ्या एका तरुणासोबत फोनवर सतत बोलायची. आपल्या बहिणीचं त्या तरुणासोबत बोलणं अंकितला अजिबात पटत नव्हतं. त्याने त्याच्या बहिणीच्या कृत्याला वारंवार विरोध केला. पण, तिने भावाचं ऐकण्यास स्पष्ट नकार दिला. रागाच्या भरात त्याने संधी साधून आपल्या बहिणीची चाकू भोसकून हत्या केली. 

हे ही वाचा: Govt Job: भारत सरकारच्या 'या' कंपनीमध्ये इंजीनिअर तरुणांसाठी भरती! 13 लाखांचं पॅकेज अन्... पटापट करा अर्ज

या प्रकरणासंदर्भात पोलीस अधिकाऱ्यांनी दिलेल्या माहितीनुसार, सुरुवातीच्या तपास मृत तरुणीच्या चुलत भावावर आरोप करण्यात आला होता. मात्र, अधिकच्या तपासात आरोपी म्हणून तरुणीच्या भावाचं नाव समोर आलं. हत्येत वापरण्यात आलेला चाकू सुद्धा पोलिसांनी ताब्यात घेतला असून आरोपी तरुणाची तुरुंगात रवानगी करण्यात आली आहे.