मंत्रालयात नोकरीचे अमिष दाखवून लाखो रुपये उकळले, शिंदे गटाच्या जिल्हा प्रमुखावर गुन्हा दाखल

हेही वाचा :  Govt Job: फ्रेशर्स उमेदवारांची चिंताच मिटली! भारत सरकारच्या कंपनीत मिळवा नोकरी, कधीपर्यंत कराल अर्ज?

अधिकची माहिती अशी की, मंत्रालयात क्लार्कची नोकरी अमिष दाखवून दोन लाख वीस हजार रुपये उकळल्याचा आरोप शिंदे गटाच्या जिल्हा प्रमुखावर करण्यात आलाय. या फसवणुकीला बळी पडलेला तरुण विक्रांत केशव ठाकरे याचा एक वर्षापूर्वी मृत्यू झाला आहे.विक्रांतची बहीण मयुरी लाटे हिने या प्रकरणीव सौरभ आप्पाविरोधात फिर्याद दाखल केली. त्यावरून भारतीय न्याय संहिता 2023 च्या कलम 316(2) आणि 318(4) प्रमाणे गुन्हा नोंदवण्यात आला आहे.

फिर्यादीने आरोपी सौरभ आप्पा व उपमुख्यमंत्री एकनाथ शिंदे यांचे खाजगी सचिव "काळे" यांच्यात झालेल्या व्हॉट्सअ‍ॅप संभाषणाचे स्क्रीनशॉटही पोलिसांना पुराव्यासरशी दिले आहेत.सौरभ आप्पाने आतापर्यंत 50 पेक्षा अधिक तरुणांना नोकरी लावून देतो असे सांगून फसवणूक केली असल्याचा आरोप करण्यात आलाय. पालघर पोलिसांनी या प्रकरणाचा पुढील तपास सुरू केला असून, याबाबतची माहिती पालघर पोलीस अधीक्षक यतीश देशमुख यांनी दिली आहे.

हेही वाचा : पतीचा पाठलाग करत पत्नी पोहोचली हॉटेलमध्ये... पतीला गर्लफ्रेंडसोबत पाहिलं अन् नंतर घडलं भयानक!

फिर्यादी मयुरी लाटे याबाबत बोलताना म्हणाली, विक्रांत ठाकरे हा माझा भाऊ होता. बोईसरमधील सौरभ आप्पा म्हणून माणूस आहे, त्याने त्याची फसवणूक केली आहे. त्याने मुख्यमंत्र्यांचं नाव वापरून त्याच्याकडून पैसे उकळले आहेत. त्याने 2 लाख 20 हजार रुपयांची फसवणूक केली आहे. या प्रकरणात आम्ही आज गुन्हा दाखल केला आहे. तो नेता आहे, त्यावर आपण काही करु शकत नाही, असं लोक म्हणत होते. मंत्रालयात नोकरी लावतो म्हणून तिकडे घेऊन गेला होता. तिकडे पास वगैरे दाखवला होता. मात्र, नोकरी वगैरे काही लागली नाही. त्यानंतर तो फ्रॉड असल्याचं समोर आलं. 

Laxman Hake यांचा कार्यकर्ता पवन करवरवर कसा हल्ला झाला? माजलगावातील त्या हॉटेलमध्ये रात्री काय घडलं?