आई सारखं 'परदेसी बाबा'कडे जायची, मुलाला चीड आली अन्...

हेही वाचा : बुलढाणा : शिवानीचा मर्डर केला म्हणून तिचे वडील अन् भाऊ तुरुंगात, पण ती जिवंत निघाली!

महिला 18 वर्षांपासून परदेसी बाबाच्या संपर्कात

आरोपी नागेंद्रने पोलिसांना दिलेल्या माहितीनुसार, त्याची आई गेल्या 18 वर्षांपासून परदेसी बाबाच्या संपर्कात होती. आईला बाबाने आपल्या तांत्रिक प्रभावाखाली वश करून ठेवले आहे, असा संशय आरोपीला होता. याच गोष्टीवरून तो गेली अनेक वर्षे अत्यंत अस्वस्थ होता. सुमारे सहा महिन्यांपूर्वी त्याने बाबांशी या विषयावर वादही घातला होता आणि आईला तांत्रिक प्रभावापासून दूर राहण्यास सांगितले होते, परंतु बाबांनी त्याचे ऐकले नाही. या वादाचे रूपांतर 12 मे रोजी अत्यंत हिंसक घटनेत झाले. रागाच्या भरात नागेंद्रने चाकूने गळा चिरून परदेसी बाबांची हत्या केली. पुरावे नष्ट करण्यासाठी आरोपीने अत्यंत थंड डोक्याने मृतकाचे ओळखपत्र, स्वतःचे आणि मृतकाचे कपडे जाळून टाकले, तसेच मृतकाचा मोबाईल फोन शारदा नदीत फेकून दिला, जेणेकरून पोलिसांना काहीही सुगावा लागू नये.

हेही वाचा : सांगली : रुग्णालयाचं ड्रेनेज तुंबल्याने सफाई, पण भयंकर दृश्य दिसलं अन् सगळे हादरले

पोलिसांच्या कसून तपासामुळे तो अखेर सापडलाच

आरोपीने गुन्ह्याचे सर्व पुरावे नष्ट करण्याचा पूर्ण प्रयत्न केला होता, मात्र पोलिसांच्या कसून तपासामुळे तो अखेर सापडलाच. सर्व तांत्रिक पुरावे आणि पुराव्यांची जुळवाजुळव केल्यानंतर पोलिसांनी आरोपीला अटक करून न्यायालयासमोर हजर केले असून, त्याला कारागृहात पाठवण्यात आले आहे. ही घटना उत्तर प्रदेशातील सीतापूर जिल्ह्यातील संदना पोलीस ठाणे परिसरात घडली आहे.