पत्नी परपुरुषासोबत पळून गेल्याचा राग, नवऱ्याने पोटच्या मुलांना शॉक देऊन संपवलं

हेही वाचा : 'सेव्हन स्टारमध्ये नेते आणि चेलेच.., ही सेवा नाही तर मेवा' राजदीप सरदेसाईंनी केली पोलखोल!

पत्नी घर सोडून गेल्यानंतर तो सतत मानसिक तणावाखाली

पोलिसांनी दिलेल्या माहितीनुसार, मायकेलची पत्नी सुमारे सहा महिन्यांपूर्वी दुसऱ्या व्यक्तीसोबत राहण्यासाठी घर सोडून गेली होती. या घटनेनंतर मायकेल मानसिक नैराश्यात गेला होता. त्यामुळे त्याने ट्रक चालक म्हणून नियमित कामावर जाणेही बंद केले होते. त्याऐवजी तो अधूनमधून रंगकामाची कामे करून उदरनिर्वाह करत होता. पत्नी घर सोडून गेल्यानंतर तो सतत मानसिक तणावाखाली असल्याचे प्राथमिक तपासात समोर आले आहे.

हेही वाचा : जेजुरी अपघातातील मृत वारकऱ्यांच्या कुटुंबीयांना प्रत्येकी 5 लाखांची मदत; मुख्यमंत्र्यांची घोषणा

दोन्ही मुलांचा मृत्यू झाल्यानंतर स्वत:ही केली आत्महत्या 

शुक्रवारी मायकेलने आपल्या दोन्ही मुलांसाठी जेवण आणले आणि त्यांना झोपण्यास सांगितले. त्यानंतर त्याने मुलांच्या शरीराला विजेच्या तारा बांधून त्या वीजपुरवठ्याशी जोडल्याचे पोलिसांनी सांगितले. दोन्ही मुलांचा मृत्यू झाल्यानंतर त्याने त्याच विद्युत तारेच्या साहाय्याने स्वतःचाही जीव घेतला. या संपूर्ण घटनेच्या वेळी मायकेलचे 75 वर्षीय वडील अँथनी मुथू हे घरातच राहत असून ते खोलीबाहेर झोपले होते.

शनिवारी दुपारपर्यंत खोलीचा दरवाजा न उघडल्याने अँथनी मुथू यांनी शेजाऱ्यांना याची माहिती दिली. त्यानंतर पुडुकोट्टाई पोलिसांना बोलावण्यात आले. पोलिसांनी दरवाजा तोडून आत प्रवेश केला असता, तिघांचेही मृतदेह एका खाटेवर पडलेले आढळले. त्यांच्या शरीराला विजेच्या तारा बांधलेल्या होत्या. त्यानंतर तिन्ही मृतदेह शवविच्छेदनासाठी तुतिकोरिन शासकीय वैद्यकीय महाविद्यालय रुग्णालयात पाठवण्यात आले. या प्रकरणी पुडुकोट्टाई पोलिसांनी गुन्हा नोंदवून पुढील तपास सुरू केला आहे.