गावातील निर्जनस्थळी नेले अन्...

मिळालेल्या माहितीनुसार, ही घटना पुरुलिया जिल्ह्यातील बोरो पोलीस ठाण्याच्या हद्दीत असलेल्या आंकरो गावात घडली आहे. सौमेन गोस्वामी असे अटक करण्यात आलेल्या आरोपीचे नाव असून, तो परिसरात स्वतःला तांत्रिक म्हणून मिरवत असे. मंगळवारी (7 जुलै) रात्री त्याने गावातीलच एका 18 वर्षीय मुलीला आमिष दाखवून आपल्यासोबत येण्यास तयार केले आणि गावातीलच एका निर्जन व ओसाड ठिकाणी असलेल्या घरात नेले. तिथेच या नराधमाने मुलीच्या असहायतेचा फायदा घेत तिच्यावर कथितरीत्या अत्याचार केला.

हे ही वाचा : चकाकती कार, एका तासाचे 20 लाख, काकीची 'अश्लील' ऑफर, भाचीने दाखल केली FIR

कुटुंबिय हादरले

या भयानक प्रसंगानंतर पीडित मुलीने घरी परतल्यावर आपल्या कुटुंबीयांना घडलेल्या सर्व प्रकाराची माहिती दिली. मुलीवर ओढवलेला प्रसंग ऐकून कुटुंबीयांना मोठा धक्का बसला. त्यांनी वेळ न दवडता बुधवारी थेट बोरो पोलीस ठाणे गाठले आणि आरोपी तांत्रिक सौमेन गोस्वामी याच्याविरुद्ध रीतसर लेखी तक्रार दाखल केली. तक्रार प्राप्त होताच पोलिसांनी घटनेचे गांभीर्य ओळखून तात्काळ कारवाईची चक्रे फिरवली आणि परिसरात छापेमारी करून आरोपीला बेड्या ठोकल्या.

हे ही वाचा : 38 वर्षीय प्रेयसीच्या नादाला लागला, लग्नानंतर तिसऱ्याच महिन्यात बायकोसोबत केलं नको तेच

वैद्यकीय प्रक्रिया सुरु

पोलीस अधिकाऱ्यांनी दिलेल्या माहितीनुसार, या प्रकरणाशी संबंधित सर्व तथ्यांची अतिशय गांभीर्याने आणि कायदेशीरदृष्ट्या तपासणी केली जात आहे. पीडितेचा अधिकृत जबाब नोंदवून घेण्यासोबतच इतर आवश्यक वैद्यकीय आणि कायदेशीर प्रक्रिया पूर्ण केल्या जात आहेत. अटक करण्यात आलेल्या आरोपीला कडक शिक्षा व्हावी यादृष्टीने पुरावे गोळा केले जात आहेत. तपासामध्ये जे काही नवीन तथ्य समोर येतील, त्यानुसार पुढील कठोर कायदेशीर कारवाई केली जाईल असे पोलिसांनी स्पष्ट केले आहे.