हे ही वाचा : बलात्कार प्रकरणातील आरोपी ज्योतीषाने स्थापन केलेल्या संस्थेवर रूपाली चाकणकर संचालक, अंधारेंचे सनसनाटी आरोप

दहा महिन्यांपूर्वी विवाह

मिळालेल्या माहितीनुसार, वैष्णवी मंगळवारी माधोपूर गावातील तिच्या पालकांच्या घरी रक्ताच्या थारोळ्यात मृतावस्थेत आढळली. कोरुतलाचे पोलीस निरीक्षक सुरेश यांनी सांगितले की, वैष्णवीच्या पालकांनी या घटनेची माहिती पोलिसांना दिली. वैष्णवीचा विवाह अवघ्या दहा महिन्यांपूर्वी चित्तारी हरिप्रसाद याच्याशी झाला होता. लग्नानंतर काही काळातच तिला सासरच्यांकडून त्रासाला सामोरे जावे लागत होते.

हुंड्यासाठी छळ

पोलिसांनी दिलेल्या प्राथमिक माहितीनुसार, आरोपी पती हरिप्रसाद याने वैष्णवीचा गळा आवळून आणि त्यानंतर तिच्या चेहऱ्यावर चाकूने वार करून तिची हत्या केली. या हत्येमागे कौटुंबिक कलह आणि हुंड्याची मागणी असल्याचे समोर येत आहे. वैष्णवीचे वडील एस.आर. दुर्गाप्रसाद यांनी पोलिसांत तक्रार दाखल केली आहे. त्यांनी आरोप केला आहे की, लग्नानंतर पती हरिप्रसाद, तिची सासू आणि दीर हुंड्यासाठी वैष्णवीचा सतत छळ करत होते. याच छळातून आणि वादातून ही हत्या करण्यात आल्याचा संशय व्यक्त केला जात आहे.

हे ही वाचा : अकोला महानगरपालिकेत ठाकरे गटाला झटका, रात्री दोन वाजता जिल्हाध्यक्षांसह चार नगरसेवकांचा शिंदे गटात प्रवेश

पोलिस तपास काय सांगतो?

पोलिसांनी आरोपी पती हरिप्रसादला अटक केली असून त्याला स्थानिक न्यायालयात हजर केले जाणार आहे. या प्रकरणात केवळ पतीचाच हात आहे की सासरच्या इतर मंडळींनीही त्याला मदत केली, याचा तपास सध्या पोलीस करत आहेत. एका तरुण आणि गर्भवती महिलेच्या अशा प्रकारे झालेल्या हत्येमुळे परिसरात संताप व्यक्त केला जात आहे.