पहिला नवरा दारुच्या आहारी

वरिष्ठ पोलीस अधीक्षक (एसएसपी) यांच्या आदेशानंतर पोलिसांनी याप्रकरणी गुन्हा दाखल केला असून पुढील तपास सुरू केला आहे. पैशांच्या हव्यासापोटी या तरुणीची मानवी तस्करी करून तिची दिशाभूल करण्यात आल्याची दाट शक्यता वर्तवली जात आहे. उत्तर प्रदेशातील गोरखपूर जिल्ह्यातील ही घटना आहे. पीडित तरुणीने दिलेल्या तक्रारीनुसार, संशयित आरोपींनी तिला आधी आमिष दाखवून हरियाणात नेले आणि तिथे एका तरुणाशी तिचे लग्न लावून दिले. काही काळ ती सासरी राहिली, मात्र तिचा पती दारू पिऊन तिला बेदम मारहाण करत असल्याने तिचे जगणे असह्य झाले.

हे ही वाचा : बीड : सिनेमाला लाजवेल असा कट! मर्डर मिस्ट्रीचा पोलिसांकडून उलगडा

दुसरे लग्नही ठरले भीतीदायक

यानंतर तिने आपली ही व्यथा लग्न लावून देणाऱ्या मध्यस्थांना सांगितली. मात्र, त्यांनी तिला मदतीचा हात देण्याऐवजी, तिच्या भविष्याची किंवा संमतीची कोणतीही पर्वा न करता, तिचा राजस्थानमधील दुसऱ्या एका तरुणाशी बळजबरीने विवाह लावून दिला. राजस्थानमधील दुसऱ्या पतीसोबत ती सुमारे दहा महिने राहिली आणि यादरम्यान ती गरोदरही राहिली. मात्र, तिच्या पहिल्या लग्नाचा वाद आणि न्यायालयातील खटल्याची माहिती देऊन आरोपींनी तिच्या दुसऱ्या पतीचे कान भरले आणि त्याला भडकावले.

हे ही वाचा : धड शेतात अन् मुंडकं नदीत, नवऱ्याला संपवताना बायको बघत बसली; नेमकं कारण काय?

अखेर पोलिसांकडे तक्रार

यानंतर सासरच्या लोकांनी बळजबरीने तिचा गर्भपात केला आणि तिला घरातून हाकलून दिले. या संकटात हतबल झालेली तरुणी पुन्हा त्या मध्यस्थांकडे मदतीसाठी गेली असता, त्यांनी मदत नाकारून तिचे तिसरे लग्न लावण्याची तयारी सुरू केली. या चक्रव्यूहातून कशीबशी सुटका करून घेत तरुणीने थेट गोरखपूर गाठले आणि पोलिसांकडे तक्रार दाखल केली.