हे ही वाचा : गोंदिया : शेजाऱ्यानेच चाकूचा धाक दाखवून दरोडा टाकला; 20 लाखांचा ऐवज लंपास; आरोपींना मध्यप्रदेशातून अटक

हत्या की आत्महत्या?

सुशील कुमार हा फतेहपूर जिल्ह्यातील अचितपुर गावचा रहिवासी होता. तो गावातच शेती करत असे. नातेवाईकांनी दिलेल्या माहितीनुसार, सुनीलची पत्नी गर्भवती असून तिला डिलिव्हरीसाठी रुग्णालयात दाखल करण्यात आले आहे. त्याच्या खर्चासाठी नातेवाईकांकडून 25 हजार रुपये उसने घेऊन तो घरी आला होता. यानंतर हे पैसे घेऊन तो रुग्णालयात जात होता. मात्र रुग्णालयात पोहोचण्याआधीच घात झाला.

गावकऱ्यांचा आरोप

गावातील बाजहा बाबा मंदिराच्या गेटला त्याचा मृतदेह लटकल्याचे समजताच गावकऱ्यांनी गर्दी केली. त्यांनी आरोप केला की ही आत्महत्या नसून हत्या आहे. ज्याप्रकारे त्याचा मृतदेह गेटला लटकला होता, त्यावरुन गावकऱ्यांनी हा आरोप केला. आधी त्याची हत्या करण्यात आली आणि ती आत्महत्या वाटावी यासाठी मृतदेह मंदिराच्या गेटला लटकवण्यात आला. पोलिस दाखल झाल्यानंतर तर गावकऱ्यांनी जोरदार गोंधळ घातला.

हे ही वाचा :  प्रेशर पंपाचा वापर करून तरुणाच्या प्रायव्हेट पार्टमध्ये हवा भरली, नंतर जीवे मारण्याची धमकी दिली, लाज आणणारा प्रकार

गावात तणावाचे वातावरण

पोलिसांनी सांगतिले की, मृतदेह पोस्च मार्टमसाठी पाठवण्यात आला आहे. त्याचा अहवाल आल्यानंतरच ती हत्या आहे की आत्महत्या हे स्पष्ट होईल. सध्या पोलिस विविध बाजूंनी तपास करत आहेत. मात्र गावात खूपच तणावाचं वातावरण असल्यानं गावात पोलिस बंदोबस्त तैनात करण्यात आला आहे.