हे ही वाचा : Maharashtra Weather : पुढचे काही तास महत्त्वाचे, प्रजासत्ताक दिनी पावसाची सलामी? इथं बसरण्याची शक्यता

काय आहे नेमका प्रकार?

अजीमनगर भागातील कुम्हारिया गावात ही घटना घडली. लग्नाच्या काही तासानंतरच नववधूने एका मुलीला जन्म दिला आहे. लग्नाच्या पहिल्या रात्रीच घरात बाळाचं आगमन झाल्याने संपूर्ण परिसरात चर्चेचा विषय झाला. या गावातील रुजवान नावाच्या तरुणाचे बहादुरगंज या गावातील तरुणीसोबत लग्न झाले. या दोघांमध्ये आधीच प्रेमसंबंध होते. लग्नाच्या काही दिवसांपूर्वीच तरुणीने लग्नासाठी पोलिस स्टेशनमध्ये धाव घेतली होती. यानंतर पोलिस आणि गावकऱ्यांच्या मध्यस्थीने हे लग्न पार पडले होते.

गावात वाटली मिठाई

शनिवारी सायंकाळी या दोघांचं लग्न झालं. त्याच रात्री बारा वाजता अचानकच नववधूच्या पोटात दुखू लागलं. यानंतर डॉक्टरला बोलावण्यात आलं आणि त्यांनी प्राथमिक उपचार केले. यानंतर रविवारी सकाळी घरात चिमुकल्या बाळाचा रडण्याचा आवाज येऊ लागला. नववधूने एका गोंडस मुलीला जन्म दिल्यानंतर घरात आनंदोत्सव साजरा करण्यात आला. ही बातमी वाऱ्यासारखी संपूर्ण परिसरात पसरली. यामुळे रिजवानच्या घराभोवती चांगलीच गर्दी जमा झाली. रिजवानने आपल्या तान्हुल्या मुलीला कुशीत घेऊन संपूर्ण मिठाई वाटली.

हे ही वाचा : महाराष्ट्रात चाललंय तरी काय? साताऱ्यातील दुर्गम भागात DRI ची धाड, 55 कोटींचं ड्रग्ज अन् कच्चा माल जप्त

तरुणी लग्नाआधीच गर्भवती

अजीमनगर पोलिस स्टेशनचे प्रभारी कारण सिंग यांनी सांगितले की, आम्ही या प्रकरणाची चौकशी केली. लग्नाआधीच दोघांचे प्रेमसंबंध होते आणि तरुणी गर्भवती होती. सध्या आमच्याकडे कोणतीच तक्रार नाही आणि कोणावरही कायदेशीर कारवाई सुरु नाही.