वहिनीशी अनैतिक संबंध

शीला बीबी असे या दुर्दैवी मृत महिलेचे नाव आहे. आठ वर्षांपूर्वी तिचा विवाह मोझम्मेल नावाच्या तरुणाशी झाला होता. मोझम्मेल हा व्यवसायाने मजूर असून तो इतर राज्यांमध्ये जाऊन मजुरीचे काम करत असे. या दांपत्याला दोन लहान मुलेही आहेत. पोलीस आणि स्थानिक उपस्थितांनी दिलेल्या माहितीनुसार, गेल्या काही महिन्यांपासून मोझम्मेलचे त्याच्याच कुटुंबातील एका महिलेशी (त्याच्या नात्याने लागणाऱ्या वहिनीसोबत) अनैतिक प्रेमसंबंध सुरू होते. या संबंधांची माहिती शीला बीबीला लागली होती.

हे ही वाचा : इंस्टाग्रामवर महिलेच्या नावाचं खोटं अकाउंट बनवलं, पतीला अश्लील व्हिडिओ पाठवले

बायकोचा विरोध अन् हत्या

नवऱ्याच्या या अनैतिक संबंधांमुळे घरातील वातावरण बिघडले होते आणि दररोज वाद निर्माण होत होते. शीला या अनैतिक नात्याला विरोध करत होती. घटनेच्या दिवशीही याच कारणावरून दोघांमध्ये जोरदार भांडण झाले, ज्याच्या रागात मोझम्मेलने धारदार शस्त्राने शीलाचा गळा चिरला, ज्यामुळे तिचा जागीच मृत्यू झाला. हत्येनंतर संशय येऊ नये म्हणून मोझम्मेलने अतिशय हुशारीने पत्नीचा मृतदेह घरातील पलंगाखाली लपवून ठेवला.

हे ही वाचा : Govt Jobs : युको बँकेत नोकरीची संधी, 60 हजारांहून अधिक पगार; लगेच करा अर्ज

'असं' बाहेर आलं प्रकरण

घराभोवती राहणाऱ्या स्थानिक ग्रामस्थांना त्याच्या संशयास्पद हालचालींवर संशय आला. त्यांनी घरात जाऊन पाहणी केली असता, पलंगाखाली शीलाचा रक्ताने माखलेला मृतदेह आढळून आला. ग्रामस्थांनी तातडीने पोलिसांना याची माहिती दिली. पोलिसांनी घटनास्थळी धाव घेत मृतदेह ताब्यात घेतला आणि शवविच्छेदनासाठी मालदा मेडिकल कॉलेज आणि हॉस्पिटलमध्ये पाठवला आहे.