कारमध्ये बसली पत्नी, नंतर मित्राला सुद्धा मागे बसवलं अन्... महिलेसोबत घडली भयानक घटना

महिला बेपत्ता असल्याची तक्रार 

पोलिसांनी दिलेल्या माहितीनुसार, 21 नोव्हेंबर रोजी दयालपूर पोलिस स्टेशनमध्ये 25 वर्षीय महिला बेपत्ता झाल्याची तक्रार दाखल करण्यात आली होती. तिला शोधण्यासाठी पोलिसांनी सर्व प्रयत्न केले, परंतु तपासादरम्यान, पीडितेच्या आईला आपल्या मुलीचं अपहरण झाल्याचा संशय आला. महिलेच्या आईच्या तक्रारीच्या आधारे, आयपीसीच्या कलम 140(3) अंतर्गत दयालपूर पोलिस स्टेशनमध्ये एफआयआर दाखल करण्यात आला आणि प्रकरणाचा तपास सुरू करण्यात आला. 

संशयिताला अटक 

तपास सुरू असताना, दयालपूर पोलीस स्टेशनच्या तीन निरीक्षकांनी एक प्लॅन आखला आणि त्यांच्या पथकांनी पुरावे गोळा करून महत्त्वाची माहिती मिळवली. या माहितीच्या आधारे, पथकाने प्रकरणातील संशयित आरोपींचा शोध सुरू केला आणि त्याला अटक केली. पोलीस कस्टडी रिमांड दरम्यान, अटक केलेल्या संशयिताची ओळख फैजल (28) अशी झाली असून तो खजूरी नंबर 15 येथील रहिवासी आहे. 

हे ही वाचा: आधी कौमार्य चाचणी, चारित्र्यावर संशय अन् पतीचे अनैतिक संबंध! लग्नानंतर 6 महिन्यांतच नाशिकमध्ये नवविवाहितेची आत्महत्या

पत्नीची हत्या केल्याची कबुली 

चौकशीदरम्यान, आरोपीने आपल्या पत्नीची हत्या केल्याचं कबूल केलं. त्याने पोलिसांना माहिती देताना पुढे सांगितले की 20 नोव्हेंबर 2025 रोजी तो त्याच्या पत्नी आणि मित्रासह कारमधून घरी परतत असताना त्यांनी पीडितेवर गाडीतच गोळी झाडली. त्यानंतर त्यांनी तिचा मृतदेह फेकून दिला आणि तिथून फरार झाले. 

हे ही वाचा: शिंदेंच्या शिवसेनेनं दिलं 'त्या' दिग्गज नेत्यासह कुटुंबातील 6 जणांना तिकिट!

आरोपीविरुद्ध गुन्हा दाखल 

आरोपीने दिलेल्या माहितीच्या आधारे, पीडितेचा मृतदेह उत्तर प्रदेशातील बागपत परिसरातून ताब्यात घेण्यात आला. त्यामुळे, या प्रकरणात भारतीय दंड संहितेच्या कलम 103(1) आणि 3(5) अंतर्गत गुन्हा दाखल करण्यात आला. संबंधित गुन्ह्यात वापरलेली i20 कार, नंबर DL-5CW-0537 जप्त करण्यात आली असून आरोपीच्या साथीदाराला सुद्धा अटक करण्यात आली आहे. अद्याप, पीडितेच्या महिलेच्या पोस्टमॉर्टम रिपोर्ट्स समोर आले नसून प्रकरणाचा पुढील तपास केला जात आहे.