फायलीतून उघड झाले सत्य

पीडितेने सांगितले की, लग्नानंतर तिच्या पतीचे वागणे खूप विचित्र होते. तो शारीरिक संबंध ठेवण्यास टाळाटाळ करायचा. एके दिवशी महिलेच्या हाती घरातील एक फाईल लागली, जी पाहून तिला मोठा धक्का बसला. त्या फाईलनुसार, पतीच्या दोन्ही किडन्या निकामी झाल्या होत्या आणि तो लपून-छपून डायलिसिस करून घेत होता. हे सत्य सासरच्या सर्वांना माहित होते, परंतु त्याच्या बायकोपासून ते पूर्णपणे लपवून ठेवण्यात आले होते.

हे ही वाचा : बांधकाम सुरु असलेल्या खोलीत 13 वर्षीय मुलीचे हात-पाय बांधले, पाच जणांनी मिळून पीडितेची अंधारात अब्रू लुटली

'किडनी दे नाहीतर 20 लाख आण'

जेव्हा महिलेने आजार लपवल्याबद्दल विरोध केला, तेव्हा पती आणि सासरच्यांनी आपले खरे रूप दाखवले. महिलेचा आरोप आहे की पतीने तिला सांगितले, 'एकतर मला तुझी एक किडनी दे, किंवा तुझ्या वडिलांकडून 20 लाख रुपये आण जेणेकरून मी ट्रान्सप्लांट करू शकेन.' इतकेच नाही तर, पैसे किंवा किडनी दिल्यावर तो तिला मुक्त करेल आणि ती दुसरे लग्न करू शकेल, असेही पतीने तिला म्हटले.

पहिल्या लग्नाचा लपवला पत्ता

फसवणुकीची ही कथा इथेच संपली नाही. चौकशीदरम्यान पीडितेला समजले की तिचा पती आधीच विवाहित आहे. त्याची पहिली पत्नी बनारसमध्ये राहते आणि त्या लग्नापासून त्याला एक मुलगीही आहे. तिला अंधारात ठेवून हे दुसरे लग्न केवळ तिची किडनी मिळवण्यासाठी किंवा माहेरच्या पैशातून पतीवर उपचार करण्यासाठी केले गेले, असा आरोप महिलेने केला आहे.

हे ही वाचा : नवऱ्याने बायकोच्या चपलेत लावलेलं GPS, बॉयफ्रेंडला घरी बोलावलं अन् नको ते करताना आला नवरा!

पोलीस कारवाई

बऱ्याच काळापर्यंत पोलीस 'कौटुंबिक सल्ला केंद्रात' तडजोडीचे प्रयत्न सुरू होते, परंतु जेव्हा बोलणे फिस्कटले तेव्हा पोलिसांनी गुन्हा दाखल केला. पोलिसांनी दिलेल्या माहितीनुसार, 'महिलेच्या तक्रारीवरून पती आणि सासरच्या मंडळींविरुद्ध हुंडाबळी आणि फसवणुकीचा गुन्हा दाखल करण्यात आला आहे. आजार लपवणे आणि छळ करणे या तथ्यांचा तपास केला जात असून, त्याआधारे कायदेशीर कारवाई केली जाईल.'