'चला हवा येऊ द्या' परत येणार, नवीन सीझनमध्ये एक नवा हुकमी एक्का!

आता प्रेक्षकांची ही नाराजी लवकरच संपणार आहे. कारण चला हवा येऊ द्याचा नवीन सीझन लवकरच झी मराठीवर येणार आहे. नुकतंच झी मराठीने एक टीझर प्रदर्शित केला आहे. यंदाच्या सीझनमधील एक खास बाब म्हणजे महाराष्ट्राची हास्यजत्रामधून घराघरात पोहचलेला अभिनेता आणि हास्यवीर गौरव मोरेही आता 'चला हवा येऊ द्या'च्या मंचावर दिसणार आहे. 

'चला हवा येऊ द्या' हा कार्यक्रम 2014 मध्ये झी मराठीवर सुरू झाला त्यानंतर त्याला महाराष्ट्रात तुफान रिस्पॉन्स मिळाला. निलेश साबळे, भाऊ कदम, कुशल बद्रिके, भारत गणेशपुरे, सागर कारंडे, श्रेया बुगडे या कलाकारांच्या जबरदस्त अदाकारीमुळे हा कार्यक्रम तुफान लोकप्रिय झाला होता. 

आता या कलाकरांमध्ये अजून एका लोकप्रिय कलाकाराची भर पडणार आहे. नवीन सीझनमध्ये आकर्षण असणार आहे. महाराष्ट्राची हास्यजत्रा फेम गौरव मोरेचं.. पवई फिल्टर पाड्याचा गौरव मोरे चला हवा येऊ द्याच्या नवीन सीझनमध्ये आपल्याला दिसणार आहे. 

निलेश साबळेच्या टीममध्ये भाऊ कदम, भारत गणेशपुरे, कुशल बद्रिके, श्रेया बुगडे सोबतच गौरव मोरेची जबरदस्त साथ लाभणार आहे. या शोमध्ये थोड्याफार प्रमाणात बदल करण्यात येणार आहे. चला हवा येऊ द्या जेव्हा बंद करण्याचा निर्णय घेण्यात आला होता. तेव्हा महाराष्ट्राची हास्यजत्रा कार्यक्रम जास्त लोकप्रिय झाला होता. 

कार्यक्रमात तोचतोचपणा आल्यामुळे झी मराठीने काही वेळ हा कार्यक्रम थांबवण्याचा निर्णय घेतला होता. मात्र, आता नवीन संकल्पनेसह आणि गौरव मोरेला सोबत घेऊन झी मराठी रसिक प्रेक्षकांसाठी चला हवा येऊ द्या पुन्हा छोट्या पडद्यावर आणत आहे.