मुंबई -गोव्यात घर...पत्नी अन् एक मुलगा; किती संपत्ती सोडून गेले नाना पाटेकर?

हेही वाचा : क्षणात जीव घेणारा आजार! नाना पाटेकर यांच्या निधनानंतर कार्डियक अरेस्ट चर्चेत, हृदयविकारापेक्षा नेमकं काय वेगळं?

नाना पाटेकर यांचा जन्म 1 जानेवारी 1951 रोजी मुंबईत झाला होता. त्यांचे बालपण आर्थिक अडचणीत गेले. त्यांचे वडील दिनकर पाटेकर हे कापड रंगवण्याच्या व्यवसायाशी संबंधित होते. कौटुंबिक व्यवसाय बंद झाल्यानंतर नाना पाटेकर यांनी स्वतः झेब्रा क्रॉसिंग आणि चित्रपटांची पोस्टर्स रंगवण्याचे काम केल्याचे वृत्त आहे. मात्र, आर्थिक अडचणींवर मात करत त्यांनी मेहनत आणि अभिनयाच्या जोरावर बॉलिवूडमध्ये आपली वेगळी ओळख निर्माण केली. सुमारे चार दशकांच्या कारकिर्दीत त्यांनी अनेक चित्रपटांमधून प्रेक्षकांचे मनोरंजन केले आणि मोठी चाहतावर्ग तयार केला.

मीडिया रिपोर्ट्सनुसार, नाना पाटेकर यांची अंदाजे एकूण संपत्ती सुमारे 80 कोटी रुपये असल्याचे सांगितले जाते. त्यांच्या पश्चात पत्नी नीलकंती पाटेकर आणि मुलगा मल्हार पाटेकर असा त्यांचा परिवार आहे. नाना पाटेकर यांच्याकडे गोव्यात फ्लॅट असल्याचे सांगितले जाते. याशिवाय पुण्यातील लॉ कॉलेज रोडवर त्यांचे घर आणि मुंबईत 1 बीएचके फ्लॅट आहे. पुण्याजवळ खडकवासला परिसरातील एका गावात त्यांचा फार्महाउस असल्याचे सांगितले जाते. हा फार्महाउस सुमारे 27 एकर परिसरात असून, तेथे गहू आणि भाताची लागवड केली जात होती. शेतीतून मिळणारे उत्पन्न ते शेतकऱ्यांमध्ये वाटत असल्याचेही सांगितले जाते.

नाना पाटेकर यांनी शेतकऱ्यांसाठीही काम केले. 2015 मध्ये त्यांनी ‘नाम फाउंडेशन’ची स्थापना केली होती. पुण्यात मुख्यालय असलेली ही नोंदणीकृत ना-नफा संस्था आहे. महाराष्ट्रातील दुष्काळ, पाणीटंचाई तसेच कर्जबाजारीपणा किंवा आर्थिक अडचणींमुळे आत्महत्या केलेल्या शेतकऱ्यांच्या कुटुंबांना आणि गरजू ग्रामीण नागरिकांना या संस्थेच्या माध्यमातून मदत केली जात होती. गरीब शेतकऱ्यांच्या मुलींच्या लग्नासाठीही ते आर्थिक मदत करत होते. अभिनयाच्या क्षेत्रात मोठे नाव कमावल्यानंतर नाना पाटेकर यांनी मागे पत्नी आणि मुलासह कोट्यवधींची संपत्ती तसेच शेतीची जमीन सोडल्याचे मीडिया रिपोर्ट्समध्ये नमूद करण्यात आले आहे.