भारतातील 'ही' सर्वात महागडी अभिनेत्री, दीपिका-करिना जवळपासही नाहीत.. कोण आहे ती?

भारतातील सर्वाधिक मानधन घेणारी अभिनेत्री

प्रियांका चोप्रा लवकरच एस.एस. राजामौली यांच्या आगामी चित्रपटातून पुनरागमन करणार आहे, ज्यामध्ये महेश बाबू मुख्य भूमिकेत दिसणार आहे. या चित्रपटाद्वारे प्रियांका तब्बल 20 वर्षांनंतर दाक्षिणात्य सिनेमात परत येणार आहे. बॉलीवूड हंगामाच्या माहितीनुसार, प्रियांकाने या चित्रपटासाठी 30 कोटी रुपये घेतले असून, हे आतापर्यंतच्या कोणत्याही भारतीय अभिनेत्रीने घेतलेल्या मानधनापेक्षा जास्त आहे.

असे सांगितले जाते की, प्रियांकाने एवढी मोठी रक्कम मागितल्यामुळेच तिच्या भूमिकेबाबत अंतिम निर्णय घेण्यात वेळ लागला. तिने तिच्या मानधनात कोणतीही तडजोड केली नाही. दरम्यान, “आम्ही आमचं मानधन कमी का घ्यावं? पुरुष कलाकारांना दुप्पट पैसे का दिले जातात?” असा प्रश्न अनेक अभिनेत्री विचारताना दिसतात.

हेही वाचा: दोन मुलांची आई प्रियकरासोबत पळून गेली! पाच वर्षांनंतर, 'त्या' गोष्टीमुळे पुन्हा घरी आली अन्... नेमकं प्रकरण काय?

प्रियांकाचे हॉलिवूड आणि पुनरागमन

यापूर्वी प्रियांकाने अमेझॉन प्राइम व्हिडिओवरील सिटाडेल या शोसाठी तब्बल 5 दशलक्ष डॉलर्स (सुमारे 41 कोटी रुपये) इतके मानधन घेतले होते. मात्र, तो सहा तासांचा शो असल्याने त्याच्याही मानधनाची खूप चर्चा झाली होती. आगामी SSMB29 साठी तिने घेतलेले 30 कोटी रुपये हे भारतीय चित्रपटसृष्टीतील एखाद्या अभिनेत्रीने मिळवलेले सर्वाधिक मानधन ठरले आहे.

2015 मध्ये हॉलिवूडमध्ये करिअर करण्याचा निर्णय घेतल्यानंतर प्रियांका भारतीय चित्रपटांत फारशी दिसली नाही. 2016 मधील जय गंगाजलनंतर ती केवळ द स्काय इज पिंक (2019) या एका हिंदी चित्रपटात झळकली. आलिया भट्ट आणि कतरिना कैफसोबतचा तिचा ऑल-वुमन रोड ट्रिप चित्रपट अनिश्चित काळासाठी पुढे ढकलण्यात आला. त्यामुळे मागील सहा वर्षांत प्रियांकाचा कोणताही भारतीय चित्रपट थिएटर किंवा ओटीटीवर आलेला नाही.

इतर महत्त्वाच्या बातम्या

दोन मुलांची आई प्रियकरासोबत पळून गेली! पाच वर्षांनंतर, 'त्या' गोष्टीमुळे पुन्हा घरी आली अन्... नेमकं प्रकरण काय?