हे ही वाचा : बीड : नाव चुकीचे सांगितले, पण आडनावावरुन सगळं समोर; पीएसआय पल्लवी जाधव यांनी कसा रोखला 'तो' बालविवाह?

आक्षेपार्ह पोस्टर्स झळकले

आंदोलनादरम्यान कार्यकर्त्यांच्या हातात 'एपस्टीन –मोदी, भाई–भाई' असे आक्षेपार्ह पोस्टर्स झळकत होते. याचवेळी काँग्रेस कार्यकर्त्यांनी रस्त्यावर बसून चक्का जाम करण्याचा प्रयत्न केला, त्यामुळे काही काळ वाहतुकीवर परिणाम झाला. आंदोलन उग्र होत असल्याची शक्यता लक्षात घेता बाजारपेठ पोलिसांनी तात्काळ कारवाई करत काँग्रेसच्या अनेक नेत्यांसह कार्यकर्त्यांना ताब्यात घेतले. यामध्ये काँग्रेसचे प्रदेश सचिव नवीन सिंग, विधानसभा अध्यक्ष शादाब खान यांच्यासह अनेक कार्यकर्त्यांचा समावेश आहे.

आंदोलनात अवतरला 'तात्या विंचू' आणि 'गोरिला'

एपस्टीन फाईलमध्ये भारतातील काही दिग्गज लोकांची नावं आली आहेत. यावरुन काँग्रेसन भाजप सकरकारला धारेवर धरलं आहे. याविषयी काँग्रेसकडून विविध ठिकाणी निदर्शनं सुरु आहेत. कल्याणमध्येही काँग्रेसने चक्का जा आंदोलन केलं होतं. या आंदोलनादरम्यान सुप्रसिद्ध मराठी चित्रपट 'झपाटलेला' मधील प्रसिद्ध पात्र तात्या विंचू यांच्या वेशभूषेत एक आंदोलक दिसून आला, जो उपस्थितांचे विशेष लक्ष वेधून घेत होता. याशिवाय आंदोलनात एक आंदोलक गोरिलाच्या वेशभूषेत आला होता. 

हे ही वाचा : आशिष शेलार यांचं मुख्यमंत्री देवेंद्र फडणवीसांना पत्र, 'या' वेबसिरीजवर बंदी घालण्याची मागणी

आंदोलकांची मागणी काय?

हे आंदोलन कशासाठी आहे, असं आंदोलकांना विचारण्यात आल्यानंतर त्यांनी सांगितलं की, 'जेव्हा केरला फाईल्स, कश्मीर फाईल्स, बंगाल फाईल्स आले तेव्हा अंधभक्त खूप खुश होते. मात्र मोदींचे नाव एपस्टिन फाईलमध्ये आल्यावर अंधभक्त का गप्प आहेत?'. यापुढं बोलताना आंदोलकांनी सांगितलं की, एपस्टिन फाईलमध्ये मोदींच्या नावाचा उल्लेख आला आहे. जेफ्री एपस्टीनसोबत त्यांचा काय संबंध आहे?  आज देशाची प्रतिमा आणि गरिमा धोक्यात आहे. नरेंद्र मोदी यांनी राजीनामा द्यावा.' तसेच आजच्या आमच्या आंदोलनात नाचलेले गोरिला आणि तात्या विंचू तुम्हाला कसे वाटले असंही त्यांनी विचारलं. नरेंद्र मोदी यांनी या प्रकरणी स्पष्टीकरण द्यावं किंवा राजीनामा द्यावा अशी मागणी आंदोलकांनी केली.