हे ही वाचा : 'द फॅमिली मॅन' सिनेमातील अभिनेत्याचा ह्रदयविकाराच्या झटक्याने मृत्यू, ‘एक दूजे के लिए’ मधून केला होता डेब्यू

खांबाला बांधून मारहाण, गावातून धिंड

गुरुवारी (5 फेब्रुवारी) रात्री काही गावकऱ्यांनी या तरुणीला शेजारील गावातील एका तरुणासोबत पाहिले. त्यानंतर संतप्त जमावाने या दोघांना पकडले. तरुणी कशीबशी निसटली पण तरुणाला पकडून खांबाला बांधण्यात आले. कडाक्याच्या थंडीत त्याचे कपडे काढून रात्रभर त्याला मारहाण करण्यात आली. तसेच त्याच्या गुप्तांगावरही वार करण्यात आले. जमाव एवढ्यावरच थांबला नाही. शुक्रवारी सकाळी तरुणाच्या तोंडाला काळे फासून, त्याचे मुंडण करुन त्याला गावभर फिरवण्यात आले. या सर्व प्रकाराचा व्हिडीओ करुन सोशल मीडियावर टाकण्यात आला.

तरुणीची आत्महत्या

हा  व्हिडीओ जेव्हा तरुणीपर्यंत पोहोचला, तेव्हा तिला जबरदस्त मानसिक धक्का बसला. हा अपमान सहन न झाल्याने शुक्रवारी दुपारी आई-वडील घरी नसल्याचे पाहून तिने गळफास घेऊन आपले आयुष्य संपवले. तरुणीच्या वडिलांनी हा एक नियोजित कट असल्याचा आरोप केला आहे. आपल्या मुलीला कट रचून घराबाहेर बोलावण्यात आले आणि नंतर तिला आत्महत्येस प्रवृत्त करण्यात आल्याचे त्यांनी म्हटले आहे. मुलीचा मृतदेह बघून आईला हृदय विकाराचा तीव्र झटका आला असून प्रकृती चिंताजनक असल्याची माहिती आहे.

हे ही वाचा : आशिष शेलार यांचं मुख्यमंत्री देवेंद्र फडणवीसांना पत्र, 'या' वेबसिरीजवर बंदी घालण्याची मागणी

कोणालाही सोडले जाणार नाही

घटनेची माहिती मिळताच एसडीपीओ जयप्रकाश सिंह आणि स्थानिक पोलिसांनी फौजफाट्यासह गावात धाव घेतली. पोलिसांनी जखमी तरुणाला उपचारासाठी रुग्णालयात दाखल केले असून तरुणीचा मृतदेह पोस्ट मार्टमसाठी पाठवला आहे. पोलीस ठाण्याचे प्रमुख ज्वाला कुमार सिंह यांनी सांगितले की, या प्रकरणाचा सखोल तपास सुरु असून व्हिडीओ व्हायरल करणाऱ्यांना आणि तरुणाला बेदम मारहाण करणाऱ्यांना कोणत्याही परिस्थितीत सोडले जाणार नाही. पोस्ट मार्टम अहवालानंतरच या मृत्यूचे नेमके कारण स्पष्ट होईल. मात्र या घटनेने संपूर्ण जिल्ह्यात तीव्र संताप व्यक्त होत आहे.