प्राजक्ताने साडी नेसून केलं वर्कआऊट…व्हीडियो व्हायरल

या व्हीडियोमध्ये प्राजक्ताने अगदी मराठमोळ्या पद्धतीने साडी नेसली आहे. आणि साडीमध्ये प्राजक्ताने चेस्ट वर्ककाऊट केलं आहे. तिचा या व्हीडियोने फॅन्सचं लक्ष वेधून घेतलंय. तिच्या फॅन्सने हा व्हीडियो लाईक करत कमेंट्सचा पाऊसही पाडलाय.

साडीमध्ये वर्कआऊट करताना केसांचा आंबाडा, नाकात नथ तसंच माळलेला गजरा अशी लूकमध्ये प्राजक्ता थेट जीममध्ये पोहोचली होती. प्राजक्ता सोशल मीडियावर फार अॅक्टिव्ह असते. विविध फोटोस तसंच व्हीडियोस ती सोशल मीडियावर पोस्ट करत असते.

स्वराज्य रक्षक संभाजी या मालिकेतून प्राजक्ता गायकवाड घराघरात पोहोचली होती. या मालिकेत तिने येसूबाईंची भूमिका साकारली होती. त्यानंतर नांदा सौख्य भरे तसंच संत तुकाराम मालिकेतंही त्यांनी काम केलं. यानंतर अभिनेत्री अलका कुबल यांच्याशी झालेल्या वादानंतर तिने आई माझी काळूबाई या मालिकेतून निरोप घेतला.