अकोला : अल्पवयीन मुलीसोबत मौलानाचे दुष्कर्म, पोलिसांनी केली अटक

पोलिसांनी २७ वर्षीय मौलानाविरुद्ध POSCO कायद्याअंतर्गत गुन्हा दाखल केला आहे. मिळालेल्या माहितीनुसार, काल संध्याकाळी पीडित मुलगी आरोपीच्या दळण केंद्रावर गेली असता आरोपीने या मुलीसोबत संवाद साधायला सुरुवात केली.

तू कोणत्या मदरशात शिकतेस असा प्रश्न विचारुन आरोपीने पीडित मुलीसोबत शाररिक अत्याचार करण्याचा प्रयत्न केला. परंतू यावेळी पीडित मुलीने जोरात आरडाओरड करत थेट आपलं घर गाठलं आणि आई-वडिलांना घडलेला प्रकार सांगितला. आई-वडिलांनी यानंतर अकोला जुने शहर पोलीस स्टेशनमध्ये तक्रार दाखल केली. यानंतर पोलिसांनी रितसर गुन्हा दाखल करुन आरोपीला अटक केली आहे.