अयोध्येतील श्रीराम मंदिरासाठी फडणवीसांनी दिला एक लाखाचा निधी

अयोध्येतील श्रीराम मंदिराच्या निर्माणाच्या अनुषंगाने सुरु असलेल्या देशव्यापी निधी समर्पण मोहिमेत आता विधानसभेचे विरोधी पक्षनेते आणि महाराष्ट्राचे माजी मुख्यमंत्री यांनीही सहभाग घेतला आहे. देवेंद्र फडणवीस यांनी मंदिर निर्माणाच्या निधीसाठी एक लाख एक रुपयांचा निधी दिला आहे. देवेंद्र फडणवीस यांच्या निवासस्थानी झालेल्या एका छोट्या कार्यक्रमा त्यांनी हा एक लाख एक रुपयाचा धनादेश श्रीराम जन्मभूमी तीर्थक्षेत्र न्यासाचे कोषाध्यक्ष गोविंददेव गिरीजी महाराज यांना दिला. भारताचे राष्ट्रपती रामनाथ कोविंद यांच्यापासून या मोहिमेची सुरुवात झाली.