VIDEO : धैर्यशील मोहिते पाटलांनी देवेंद्र फडणवीसांची गाडी थांबवली, सोलापुरात नेमकं काय घडलं?

अतिवृष्टीमुळे नुकसानग्रस्त झालेल्या भागाची देवेंद्र फडणवीसांकडून  पाहणी

मुख्यमंत्री देवेंद्र फडणवीस यांनी बुधवारी (दि.25) सोलापूर आणि मराठवाड्यातील काही जिल्ह्यांचा दौरा केला. यावेळी त्यांनी अतिवृष्टीमुळे झालेल्या शेतकऱ्यांच्या नुकसानाची पाहणी केली. लातूर, माढा आणि अन्य काही तालुक्यांमध्ये जात त्यांनी संपूर्ण परिस्थितीचा आढावा घेतला. यावेळी अतिवृष्टीमुळे नुकसानग्रस्त भागाची पाहणी केली, लोकांना सर्वप्रकारची मदत सरकार करणार आहे.अतिवृष्टीमुळे नुकसान झालेल्यांना मदत करताना राज्य सरकार कुठेही हात आखडता घेणार नाही, असं देवेंद्र फडणवीस म्हणाले.  

हेही वाचा : 5 लाखांहून अधिकचा खर्च येणाऱ्या 9 दुर्धर आजारांवरील उपचारांसाठी निधी मिळणार, मंत्रिमंडळ बैठकीतील मोठे निर्णय

शेतकरी बांधवांचे संसार वाहून गेल्याचं दृश्य अधिकच मनाला वेदना देणारं - अजित पवार 

दरम्यान, उपमुख्यमंत्री अजित पवार यांनी देखील सोलापूर दौरा केला. यावेळी बोलताना ते म्हणाले, सोलापूर जिल्ह्यातील विविध ठिकाणी अतिवृष्टीनं पिकांची नासधूस झाली आहे. पुरात शेतकरी बांधवांचे संसार वाहून गेल्याचं दृश्य अधिकच मनाला वेदना देणारं आहे. पशुधनाचं देखील फार नुकसान झालं. मात्र लोकप्रतिनिधी म्हणून नागरिकांना धीर देणं हे माझं काम आहे, जेणेकरून शेतकरी बांधवांना सावरण्यास बळ मिळेल. पुराच्या पाण्यात घरांचं, व्यवसायाचं व संसारिक झालेल्या नुकसानाचं दुःख हे आभाळाएवढं आहे. पण या कठीण प्रसंगी आपलं हक्काचं महायुती सरकार तसंच राष्ट्रवादी काँग्रेस पक्षाचे सर्व शिलेदार मदतकार्य पोहोचवण्यासाठी मेहनत घेत आहेत. ह्या आपत्तीच्या काळात माझा शेतकरी एकटा अजिबात नाही; सरकार त्याच्या पाठीशी ठामपणे उभं आहे, असं अजित पवार म्हणाले.