फेसबुक-इंस्टाग्रामचा सब्सक्रिप्शन प्लॅन लॉन्च, द्यावे लागतील इतके रुपये

Facebook-Instagram subscription plan : ट्विटरनंतर आता मेटानेही पेड व्हेरिफिकेशन (Verification) सेवा सुरू केली आहे. शुक्रवारी कंपनीने अमेरिकेत ही सेवा सुरू केली आहे. या अंतर्गत फेसबुक आणि इंस्टाग्राम वापरकर्त्यांना पेड व्हेरिफिकेशन मिळू शकते. (Elon Musk) इलॉन मस्कने ट्विटरसाठी सशुल्क सब्स्क्रिप्शन सुरू केलं होतं, आता या यादीत इतर प्लॅटफॉर्म देखील जोडले जात आहेत. (Facebook-Instagram subscription plan launch, pay as much as Rs)

मेटा च्या व्हेरिफिकेशन सेवेअंतर्गत वापरकर्त्यांना निळा बॅज मिळेल. यासाठी वापरकर्त्यांना सरकारी आयडी पुरावा म्हणून आणि $11.99 (सुमारे 990 रुपये) दरमहा खर्च करावा लागेल. ही किंमत वेब आवृत्तीसाठी आहे. तर Apple iOS प्रणाली किंवा Android प्लॅटफॉर्मसाठी, वापरकर्त्यांना 14.99 डॉलर (सुमारे 1,240 रुपये) खर्च करावे लागतील.

मागच्या काही दिवसांपासून सुरु आहे याच्यावर काम

कंपनी काही काळ या सेवेची चाचणी घेत होती. यूएस बाजारापूर्वी, मेटाने ऑस्ट्रेलिया आणि न्यूझीलंडमध्ये ही सेवा आणली होती. यापूर्वी स्नॅपचे सोशल मीडिया प्लॅटफॉर्म स्नॅपचॅट आणि मेसेजिंग अॅप टेलीग्राम यांनीही त्यांची सशुल्क सेवा सुरू केली होती. या पावलामुळे सोशल मीडिया कंपन्या कमाईचे इतर मार्ग शोधत आहेत. सध्या कंपन्यांचा सर्वाधिक महसूल जाहिरातींमधून येतो. इलॉन मस्कने गेल्या वर्षी 44 अब्ज डॉलर्समध्ये ट्विटर विकत घेतले होते.

Twitter blue tic : पैसे देऊन अशी मिळवा ‘ब्ल्यू टिक’

ट्विटरने केली होती सुरुवात

खरेदी केल्यानंतर त्याने या प्लॅटफॉर्ममध्ये बरेच बदल केले आहेत. या बदलांसह ट्विटर ब्लू सबस्क्रिप्शन सेवाही सुरू करण्यात आली आहे. जरी ट्विटर ब्लू सबस्क्रिप्शन सेवा आधीच अस्तित्वात होती, परंतु मस्कने त्यात काही बदल केले आहेत. जेथे पूर्वी पत्रकार, राजकारणी आणि इतर सार्वजनिक व्यक्तींना पडताळणीनंतर ब्लू टिक मिळत असे.

Facebook चं नाव आता Meta, युझर्सवर काय होणार परिणाम?

आता वापरकर्ते सदस्यत्वावर हा व्हेरिफिकेशन बॅज खरेदी करू शकतात. इतकंच नाही तर ट्विटरने वेगवेगळ्या रंगांचे व्हेरिफिकेशन बॅजही सादर केले आहेत. यामध्ये कंपन्यांना पिवळे बॅज, सरकारी अधिकाऱ्यांना राखाडी तर व्यक्तींना निळे बॅज मिळत आहेत.

Meta ची घोषणा, तयार करत आहेत जगातील सर्वात वेगवान Supercomputer