Microsoft चा सर्वात स्वस्त लॅपटॉप लाँच, किंमत फक्त…

मुंबई: मायक्रोसॉफ्टने (Microsoft) नुकताच स्वस्त लॅपटॉप लॉन्च केला आहे. या लॅपटॉपला Surface Laptop SE असे नाव देण्यात आले आहे. यामध्ये Windows 11 चं खास व्हर्जन देण्यात आलं आहे. जे विशेषतः शाळेसाठी तयार करण्यात आलं आहे.

मायक्रोसॉफ्टच्या मते, Surface Laptop SE हा कंपनीचा सर्वात स्वस्त Surface लॅपटॉप आहे. त्याची किंमत 249 डॉलर (सुमारे 18,523 रुपये) आहे. या लॅपटॉपची विक्री पुढील वर्षाच्या सुरुवातीपासून होणार आहे.

वास्तविक आजकाल सर्व कंपन्या सतत शिक्षणावर केंद्रित लॅपटॉप लॉन्च करत आहेत. ई-लर्निंगचा ट्रेंड वाढला असून लहान मुलांपासून ते मोठ्यांपर्यंत घरबसल्या ऑनलाइन शिक्षण घेत आहेत. अशा परिस्थितीत कंपन्या आता त्या दृष्टीने विचार करुन अफोर्डेबल सेगमेंटचे लॅपटॉप बाजारात आणत आहेत.

Microsoft च्या Surface Laptop SE चे खास फीचर्स

Surface Laptop SE मध्ये 11.6-इंच स्क्रीन आहे. ज्याचं स्क्रीन रेझ्युलेशन 1366X768p आहे. याचं ऐस्पेक्ट रेश्यो 16:9 आहे. यामध्ये Intel Celeron N4020 प्रोसेसर देण्यात आला आहे. हे 4GB किंवा 8GB रॅमसह खरेदी केलं जाऊ शकते. 64GB आणि 128GB eMMC सपोर्ट देण्यात आला आहे.

या लॅपटॉपमध्ये 1 मेगापिक्सेल फ्रंट कॅमेरा आहे जो 720p व्हिडिओ रेकॉर्ड करू शकतो. यात सिंगल यूएसबी ए पोर्ट, यूएसबी टाइप सी पोर्ट आणि 3.5 मिमी हेडफोन जॅक आहे.

तब्बल 50 मेगापिक्सल कॅमेरा असलेला स्मार्टफोन लाँच

हा लॅपटॉप एकदा चार्जिंग केल्यानंतर याची बॅटरी 16 तासापर्यंत चालेल. असा दावा मायक्रोसॉफ्टने केला आहे. हा लॅपटॉप सध्या अमेरिका, यूके, कॅनडा आणि जपानच्या बाजारपेठेत लॉन्च केला जाणार आहे. कंपनीने हा लॅपटॉप अशा प्रकारे बनवला आहे की तो रिपअर करणंही सोपं आहे.

या लॅपटॉपमध्ये Windows 11 SE देण्यात आला आहे. या लॅपटॉपमध्ये ऑपरेटिंग सिस्टम स्टुडंटसाठी आणि शाळा अॅडमिनिस्ट्रेशनसाठी खास फीचर्स देण्यात आले आहेत. या ऑपरेटिंग सिस्टिममध्ये वेब बेस्ड अॅप्स वापरता येणार आहे.

भारतात हा लॅपटॉप लॉन्च केला जाणार की नाही हे कंपनीने सांगितलेले नाही. दरम्यान, इतर Surface लॅपटॉप भारतात उपलब्ध आहेत. पण हा नवा लॅपटॉप कंपनी आगामी काळात ते भारतात लॉन्च करू शकतात.