सातारा: वासनांध तरुण भररस्त्यात अचानक घालतो महिलेच्या कंबरेत हात अन्..

Satara Crime: सातारा: बिहारमध्ये काही दिवसांपूर्वी एक तरुण थेट महिलांना पकडून त्यांना जबरदस्तीने किस (Kiss) करत असल्याची घटना उघडकीस आलेली असताना दुसरीकडे आता सातारा (Satara) शहरामध्येही असाच काहीसा किळसवाणा प्रकार घडला आहे. गेल्या महिन्याभरात साताऱ्यात दोन अशा अनपेक्षित घटना घडल्या की, शहरातून सायंकाळी फिरणाऱ्या महिलांच्या (Women) मनात आता भीती निर्माण होऊ लागली आहे. त्याचं कारण म्हणजे, अनोळखी महिलांना स्पर्श करण्यासाठी काही तरुणांचा हात निर्लज्जपणे पुढे सरसावत आहेत. वासनांध आरोपी त्याचे विकृत चाळे करण्यासाठी निर्जन ठिकाण पाहून महिलांना लक्ष्य बनवतो आहे. असाच धक्कादायक प्रकार दोन महिलांच्या बाबतीत नुकताच घडला आहे. याप्रकरणी अनोळखी व्यक्तीविरोधात सातारा शहर पोलिस ठाण्यात गुन्हा दाखल करण्यात आला आहे. (satara a lustful young man suddenly puts his hand on a womans waist in a street creating fear among women)

नेमकं प्रकरण काय?

सातारा शहर तसं पाहिलं तर महिलांसाठी अत्यंत सुरक्षित मानलं जातं. परंतु अलिकडे शहरामध्ये सातत्याने कुठे ना कुठे तरी महिलांच्या छेडछाडीचे प्रकार घडत आहेत. यातील दोन घटनांनी मात्र शहरातील महिलांच्या मनात भीतीचं वातावरण निर्माण केलं आहे.

मागील आठवड्यात एक नोकरदार महिला ऑफिसमधील आपले काम आटोपून रात्री आठ वाजता एकटीच दुचाकीवरून घरी निघाली होती. पोवई नाक्यावरील ग्रेड सेपरेटरमधून जात असताना एका अनोळखी विकृत व्यक्तीने पाळत ठेवून तिचा पाठलाग केला. दुचाकीस्वाराने ग्रेडसेपरेटरमधील शांतता, कमी वर्दळ पाहून अचानक दुचाकीवरूनच महिलेच्या कंबरेत हात घालून तिला गलिच्छ पद्धतीने स्पर्श केला.

अनपेक्षितरित्या घडलेल्या या घटनेने ती महिला भयभीत झाली. महिलेचा विनयभंग (molesting) केल्यानंतर वासनांध आरोपीने तिथून तात्काळ पळ काढला. अवघ्या काही क्षणातच हा संपूर्ण प्रकार घडला. ज्यामुळे महिला देखील भांबावून गेली.

दरम्यान, संबंधित महिलेने प्रसंगावधान राखत त्या विकृत व्यक्तीच्या दुचाकीचा नंबर पाहिला. तेथून बाहेर आल्यानंतर त्या महिलेने फोनवरून आपल्यासोबत घडलेला हा प्रसंग कुटुंबीयांना सांगितला. त्यानंतर महिलेने कुटुंबीयांसह शहर पोलीस ठाण्यात जाऊन अज्ञाताविरुद्ध गुन्हा दाखल केला.

VIDEO: मुली-महिलांना पाहताच वासनांध तरूण करतो Kiss, सीरियल किसरची दहशत

दुसरीकडे असाच प्रकार काही महिन्यांपूर्वी साताऱ्यातील समर्थ मंदिर परिसरातील बोगद्यामध्ये घडला होता. या प्रसंगाची पुनरावृत्ती झाल्याने महिलांनी आता चांगलीच धास्ती घेतील आहे.

या सगळ्या प्रकरणी पोलिसांनी वेळेत पावले उचलून त्या अज्ञात विकृत व्यक्तीवर कारवाई करावी अशी मागणी सध्या साताऱ्यातील महिला वर्गाकडून केली जात आहे. तरच महिलांच्या मनात घर करून बसलेली भीती निघून जाईल. शिवाय अशा प्रकारचे कृत्य पुन्हा कोणी करण्याचे धाडसही करणार नाही. पोलिसी खाक्या दाखवून त्या वासनांध आरोपीला अद्दल घडविण्याची गरज आहे. त्यासाठी पोलीस यंत्रणा देखीला आता कामाला लागल्या आहेत.

VIRAL: एक बुलेटवर हिजाब घातलेल्या 4 मुली, बाईकवरून दिलं फ्लाइंग KISS

शहरामध्ये सुरक्षिततेच्या कारणावरून 40 ते 45 ठिकाणी सीसीटीव्ही बसविण्यात आले आहेत. मात्र, हे सीसीटीव्ही चांगल्या दर्जाचे नसल्यामुळे रेकार्ड झालेले आरोपींचे चेहरे आणि त्यांच्या गाडीचा नंबर स्पष्टपणे दिसत आहे. यामुळे पोलिसांना आरोपीचा शोध घेण्यास बरचे अडथळे येत असल्याचं दिसत आहेत. सातारा शहरात गेल्या सहा ते सात महिन्यांत 20 विनयभंगाच्या घटना घडल्या आहेत. त्यामुळे आता या सगळ्या तक्रारींच्या अनुषंगाने सातारा पोलिसांना कठोर पावलं उचलणं गरजेचं आहे.

मुली-महिलांना पाहताच वासनांध तरूण करतो Kiss

बिहारच्या जमुई येथील एक सीसीटीव्ही फुटेजमधून हे संपूर्ण प्रकरण समोर आलं आहे. ज्यामध्ये एका हॉस्पिटलच्या आवारात एक महिला मोबाइलवर कोणाशी तरी बोलत होती. याचवेळी एक तरुण अचानक महिलेच्या मागून आला आणि महिलेला काही कळायच्या आत त्याने जबरदस्तीने महिलेचे चुंबन घेतलं. अचानक एखादा तरूण येऊन आपल्या ओठांचं चुंबन घेईल ही गोष्ट तिच्या ध्यानीमनी देखील नव्हती. त्यामुळे या संपूर्ण घटनेने काही क्षण महिलाही अवाक् झाली. महिलेला काही समजेपर्यंत आरोपी तरूणाने तेथून पळही काढला होता.

Crime : ऑडिशनसाठी बोलावून विनयभंग अन् बलात्काराचा आरोप; बड्या उद्योगपतीवर गुन्हा दाखल