Satara: पाटणमध्ये गोळीबार, दोन ठार; ठाण्यातील मदन कदम पोलिसांच्या ताब्यात

Satara News: राज्याचे उत्पादन शुल्क मंत्री आणि साताऱ्याचे पालकमंत्री शंभूराज देसाई यांच्या मतदारसंघात गोळीबाराची घटना घडली आहे. पाटण तालुक्यात झालेल्या या गोळीबाराच्या घटनेत दोन जण ठार झाले असून, एक जण जखमी झाला आहे. या प्रकरणी पोलिसांनी ठाण्याती माजी नगरसेवक मदन कदम यांना ताब्यात घेतलं आहे.

सातारा जिल्ह्यातील पाटण तालुक्यात असलेल्या मोरणा विभागातील शीद्रुकवाडी येथे गोळीबाराची घटना घडली. गुरेघर धरण परिसरात गोळीबार झाल्याच्या प्रकरणाने परिसरात तणावपूर्ण स्थिती निर्माण झाली.

मिळालेल्या माहितीनुसार रविवारी (19 मार्च) रात्री ही घटना घडली. पवनचक्कीच्या पैशाच्या वादातून हा प्रकार घडल्याचं सांगितलं जात आहे. जुना वाद मिटवण्यासाठी बोलणी सुरू असताना पुन्हा वादाचा भडका उडाला आणि रागाच्या भरात मदन कदम याने गोळीबार केल्याची माहिती समोर आली आहे.

Shiv Sena UBT: “अमित शाहांची विधाने म्हणजे सरकारचा केमिकल लोचा झाल्याचा पुरावा”

मदन कदम याने केलेल्या गोळीबारात दोन तरुणांचा जागीच मृत्यू झाला, तर एक जण गंभीर जखमी झाला आहे. घटनेची माहिती मिळाल्यानंतर पोलिसांनी घटनास्थळी धाव घेतली. गोळीबारात दोन जण ठार झाल्याच्या घटनेची संपूर्ण पाटण तालुक्यात चर्चा सुरू झाली.

पवारांनी तुमच्या डोक्यात मुख्यमंत्रिपदाचा बल्ब पेटवला अन् सगळंच…: CM शिंदे

मदन कदम एकनाथ शिंदे, शंभूराज देसाई यांचा कार्यकर्त्या असल्याची चर्चा

गोळीबारात श्रीरंग लक्ष्मण जाधव आणि सतीश बाळासाहेब जाधव या दोघांचा मृत्यू झाला आहे. दोघेही कोरडे वाडी पाटण येथील रहिवाशी आहे. या प्रकरणी पोलिसांनी मदन कदम यांना ताब्यात घेतलं आहे. दरम्यान, मदन कदम हे ठाणे महापालिकेचे माजी नगरसेवक आहे. तसेच शिवसेनेचे माजी संपर्क प्रमुखही आहेत. मदन कदम हे मुख्यमंत्री एकनाथ शिंदे आणि साताऱ्याचे पालकमंत्री शंभूराज देसाई यांचे निकटवर्तीय असल्याचंही बोललं जातं आहे.