मुलाला परीक्षेत मिळाले कमी गुण, आईनं स्वत:ला ठरवलं दोषी; आत्महत्या करत संपवलं जीवन

आईनं स्वत:ला दोषी ठरवत संपवलं जीवन

पोलिसांनी दिलेल्या माहितीनुसार रंजना इंदरे या खाजगी कंपनीमध्ये कामाला असून त्यांचा मुलगा एका नामांकित शाळेत सहाव्या वर्गात शिकतो. अभ्यासात हुशार असलेल्या मुलाला टीव्ही आणि मोबाईल बघण्याचा छंद जडला होता त्यामुळे अभ्यासाकडे त्याचे दुर्लक्ष झाले. मुलाला पालकांच्या अपेक्षेपेक्षा कमी गुण मिळाल्याने त्याचे आई-वडील दोघेही नाराज होते.

पत्नीने मुलाला कमी मार्क मिळण्याला स्वतःलाच दोषी ठरवले, त्यातच पतीनेही तिच्यावरच राग काढल्याने रंजना नैराश्यात गेल्या त्यामुळे शनिवारी सायंकाळी पाच वाजता धान्य टाकायच्या कीटकनाशक गोळ्या खाऊन रंजनाने घरी आत्महत्या केली. प्रताप नगर पोलीस घटनेचा पुढील तपास करीत आहे.