Maharashtra Most Active Cases: महाराष्ट्रातील ‘या’ 12 जिल्ह्यांमध्ये कोरोनाचं थैमान, प्रचंड अॅक्टिव्ह रुग्णसंख्या

मुंबई: कोरोनाची दुसरी लाट (Corona Second Wave) ही आता हळूहळू संपूर्ण देशात पाहायला मिळते आहे. खरं तर कोरोनाच्या दुसऱ्या लाटेची सुरुवात ही महाराष्ट्रात (Maharashtra) पाहायला मिळाली आहे. आता तर महाराष्ट्रातील परिस्थिती ही अत्यंत भयंकर झाली आहे. कारण अनेकांना रुग्णालयात बेड उपलब्ध होत नाहीत. तर रेमडेसिवीर इंजेक्शन आणि ऑक्सिजनचा तुटवडा यामुळे तर अनेक रुग्णांचा जीव टांगणीला लागला आहे. अशातच आता महाराष्ट्राची चिंता वाढवणारी आणखी एक बातमी समोर आली आहे.

महाराष्ट्रात कोरोना रुग्णांची वाढ ही अत्यंत झपाट्याने होत आहे. आतापर्यंत राज्यात 36 लाख 39 हजार 855 जणांना कोरोनाची लागण झाली आहे. त्यापैकी 59 हजार 153 जणांचा कोरोनाने मृत्यू झाला आहे. तर सध्या राज्यात तब्बल 6 लाख 20 हजार 060 एवढे अॅक्टिव्ह रुग्ण (Active Cases) आहेत. या आकड्यावरुन आपल्याला लक्षात येईल की, राज्यातील आरोग्य सेवेवर किती मोठ्या प्रमाणात ताण आहे.

Adar Poonawalla यांनी अमेरिकेचे राष्ट्राध्यक्ष बायडेन यांना केली कळकळीची विनंती, म्हणाले…

वाढती अॅक्टिव्ह रुग्ण संख्या ही प्रशासनाची चिंता वाढवत आहे. कारण रुग्ण संख्येच्या तुलनेने आरोग्य सेवा ही आता अपुरी पडत असल्याचं दिसतं आहे. त्यातही राज्यातील 12 जिल्हे असे आहेत की, जेथील परिस्थिती ही अत्यंत बिकट आहे. कारण या जिल्ह्यांमधील अॅक्टिव्ह रुग्णसंख्या ही सर्वाधिक आहे.

महाराष्ट्रातल्या 12 जिल्ह्यांमध्ये सक्रिय रुग्णसंख्या (Active Cases in Maharashtra) 10 हजारांच्या वर

• पुणे – 1, 12, 923

• मुंबई – 84, 753

• ठाणे – 83, 193

• नागपूर – 69, 365

• नाशिक – 47, 117

• अहमदनगर – 15, 276

• लातूर – 15, 028

• औरंगाबाद – 14, 087

• नांदेड – 13, 776

• भंडारा – 13, 594

• जळगाव – 11, 860

• सोलापूर – 10, 579

संपूर्ण राज्यात सध्या 6 लाख 20 हजार 060 एवढे अॅक्टिव्ह रुग्ण आहेत. ज्यापैकी 4 लाख 91 हजार 551 अॅक्टिव्ह रुग्ण हे फक्त वरील 12 जिल्ह्यातील आहेत. त्यामुळे आपण विचार करु शकता की, या 12 जिल्ह्यात नेमकी परिस्थिती ही कशी असेल.

Pune: १७ वर्षांनी जुळ्या मुलींना जन्म दिला आणि कोरोनानं घात केला; पुण्यातील मन हेलावून टाकणारी घटना

राज्यात आजवर 2 कोटी 30 लाख 36 हजार 652 कोरोना चाचण्या झाल्या. यापैकी 36 लाख 39 हजार 855 चाचण्यांचे निष्कर्ष पॉझिटिव्ह आले. महाराष्ट्राचा कोरोना पॉझिटिव्हिटी रेट हा तब्बल 15.88 टक्के एवढा आहे. गेल्या 24 तासात राज्यात 61 हजार 695 नवे कोरोना रुग्ण आढळले आहेत. याच कालावधीत राज्यातील 53 हजार 335 जण कोरोनामुक्त झाले. राज्यात 24 तासांमध्ये 349 कोरोना रुग्णांचा मृत्यू झाला. महाराष्ट्राचा कोरोना रुग्ण बरे होण्याचा दर 81.3 टक्के एवढा आहे. तर मृत्यूदर हा 1.63 टक्के इतका आहे.