Turkey Earthquake: प्रलय आणि पुन्हा प्रलय… तब्बल 2000 जण मृत्यूमुखी

Turkey-Syria deadly earthquake: अंकारा (तुर्कस्तान): तुर्कस्तान (Turkey) हा देश सोमवारी (6 फेब्रुवारी) एकापाठोपाठ तीन भूकंपांनी (Earthquake) हादरला. धक्कदायक बाब म्हणजे तुर्कस्तानमधील या भूकंपामुळे आतापर्यंत 1121 हून अधिक लोकांचा मृत्यू झाला आहे. तर 7634 अधिक लोक जखमी झाले आहेत. भूकंपामुळे सीरियातही (syria) मोठ्या प्रमाणात नुकसान झाले आहे. येथे भूकंपामुळे आतापर्यंत 812 लोकांचा मृत्यू (Death) झाला आहे. तर 1800 लोक जखमी झाले आहेत. भूकंपामुळे दोन्ही देशांमध्ये एकूण 1933 लोकांचा मृत्यू झाला आहे. तर 9434 लोक जखमी झाले आहेत. (turkey syria deadly earthquake 2000 death 10000 people injured)

भूकंपाच्या सलग तीन धक्क्यांनी या दोन देशात प्रचंड घबराट पसरली आहे. रिश्टर स्केलवर त्याची तीव्रता 6.0 इतकी होती. तुर्कस्तानमध्ये गेल्या 24 तासांतील हा तिसरा भूकंप आहे.

भूकंपामुळे 2818 इमारती उद्ध्वस्त झाल्या आहेत. आतापर्यंत 2470 लोकांना ढिगार्‍यातून बाहेर काढण्यात आले आहे. मात्र अजूनही हजारो लोक ढिगाऱ्याखाली अडकले आहेत. मोठ्या प्रमाणावर बचाव आणि मदतकार्य सुरू आहे.

एपी या वृत्तसंस्थेच्या वृत्तानुसार, सोमवारी पहाटे झालेल्या भूकंपानंतर सुमारे 12 तासांनी तुर्कस्तानमध्ये संध्याकाळी दुसऱ्या भूकंपाने लोक हादरले. भूकंपाच्या पार्श्वभूमीवर तुर्कीचे अध्यक्ष रेचेप तैय्यप अर्दोगन यांनी तातडीची बैठक घेऊन भूकंपग्रस्तांना शक्य ती सर्व मदत जाहीर केली आहे.

तुर्कस्तानमध्ये सोमवारी पहाटे 4.15 वाजेच्या सुमारास भूकंपाचा पहिला धक्का बसला. सीरियाच्या सीमेपासून केवळ 90 किलोमीटर अंतरावर असलेल्या गाझिआंटेप भागात भूकंपाचा केंद्रबिंदू होता. सीरियातही भूकंपामुळे प्रचंड विध्वंस झाला. भूकंपामुळे सीरियातील अनेक शहरांमध्ये हाहाकार उडाला आहे. एकट्या सीरियात भूकंपामुळे 783 लोकांचा मृत्यू झाल्याची बातमी आहे.

सोमवारी पहाटे सीमेच्या दोन्ही बाजूचे लोक भूकंपाच्या धक्क्याने जागे झाले. भूकंपाच्या धक्क्यांमुळे गगनचुंबी इमारती हलू लागल्या. या आपत्तीत मोठ्या प्रमाणात लोकांना आपला जीव गमवावा लागला आहे. प्रशासनाने मोठ्या प्रमाणावर बाधित अनेक शहरांमध्ये मदत आणि बचाव कार्य सुरू ठेवले आहे.

Earthquake : हिंगोली जिल्हा हादरला! भूकंपाचे लागोपाठ दोन धक्के; कोणतीही हानी नाही

भूकंपात तुर्कीचे रुग्णालय कोसळले

या भीषण भूकंपात तुर्कस्तानमधील एक रुग्णालय पत्त्याच्या बंगल्याप्रमाणे कोसळलं, ज्यामध्ये नवजात मुलांसह अनेक लोक वाचले. तुर्कीमधील अडाना शहरात एका व्यक्तीने सांगितले की, त्याच्या घराजवळची इमारत एका झटक्यात जमीनदोस्त झाली.

येथील पत्रकारितेचा विद्यार्थी मुहम्मद फातिह यावुस याने सांगितले की, त्याला ढिगाऱ्यातून एका माणसाचा आवाज आला, जो मदतीसाठी याचना करत होता.

भारत NDRF च्या 2 टीम तुर्कस्तानला पाठवणार

पंतप्रधान मोदींच्या सूचनेनुसार पंतप्रधानांचे मुख्य सचिव पीके मिश्रा यांनी तुर्कीला तातडीने मदत देण्याच्या मुद्द्यावर एक महत्त्वाची बैठक बोलावली. शोध आणि बचाव कार्यासाठी एनडीआरएफ आणि वैद्यकीय पथके तुर्कस्तानला पाठवण्याचा निर्णय बैठकीत घेण्यात आला आहे. यासोबतच तुर्कस्तानला लवकरात लवकर मदत सामग्री पाठवण्यात येणार आहे. एनडीआरएफच्या दोन तुकड्यांमध्ये 100 जवान असतील. यामध्ये श्वानपथकांचाही समावेश आहे. याशिवाय हे पथक आवश्यक उपकरणेही सोबत घेऊन जाणार आहेत. वैद्यकीय पथकात डॉक्टर, इतर कर्मचारी आणि अत्यावश्यक औषधे असतील.

जम्मू-काश्मीरसह दिल्लीला भूकंपाचे तीव्र धक्के, रिश्टर स्केलवरची तीव्रता 5.7

1999 मध्ये तुर्कीमध्ये झालेल्या भूकंपात 18000 लोकांचा मृत्यू झाला होता

तुर्कस्तानच्या भौगोलिक स्थितीमुळे येथे अनेकदा भूकंप होतात. 1999 च्या भूकंपात 18000 लोकांचा मृत्यू झाला होता. ऑक्टोबर 2011 मध्ये झालेल्या भूकंपात 600 हून अधिक लोकांचा मृत्यू झाला होता.

तुर्कीमध्ये वारंवार भूकंप का होतात?

तुर्कीचा बहुतेक भाग अनाटोलियन प्लेटवर आहे. या प्लेटच्या पूर्वेस पूर्व अॅनाटोलियन फॉल्ट आहे. डाव्या बाजूला ट्रान्सफॉर्मरमध्ये बिघाड आहे. जो अरेबियन प्लेटला जोडतो. दक्षिण आणि नैऋत्येस आफ्रिकन प्लेट (African Plate) आहे. तर, उत्तरेकडे युरेशियन प्लेट आहे, जी उत्तर अॅनाटोलियन फॉल्ट झोनशी जोडलेली आहे.

अॅनाटोलियन टेक्टोनिक प्लेट घड्याळाच्या उलट दिशेने फिरत आहे तुर्कीच्या खाली असलेली अॅनाटोलियन टेक्टोनिक प्लेट घड्याळाच्या उलट दिशेने फिरत आहे. म्हणजे घड्याळाच्या विरुद्ध दिशेने. शिवाय अरेबियन प्लेटही त्याला धक्का देत आहे. आता जेव्हा अरेबियन प्लेट फिरणाऱ्या अॅनाटोलियन प्लेटला ढकलते तेव्हा ती युरेशियन प्लेटशी टक्कर देते. त्यानंतर भूकंपाचे जोरदार धक्के जाणवतात.