Mansukh Hiren प्रकरण ‘सरकार स्पॉन्सर्ड’ होतं का? फडणवीसांचा सवाल

Sachin Vaze नी माझ्या पतीची हत्या केल्याचा संशय-विमला हिरेन

मुकेश अंबानी यांच्या घराबाहेर स्फोटकं ठेवलेली जी स्कॉर्पिओ आढळून आली ती स्कॉर्पिओ ही सचिन वाझे सुमारे चार महिने वापरत होते हा त्यांच्या पत्नीचा जबाब आहे. सचिन वाझे यांनी माझ्या पतीला तुम्ही दोन तीन दिवस अटक होऊन जा असंही सांगितल्याचं सांगितलं आहे. तसंच माझ्या पतीचा खून सचिन वाझे यांनी केला असा मला संशय आहे असंही मनसुख यांच्या पत्नीने जबाबात स्पष्ट केलं आहे. इतकं सगळं असूनही सचिन वाझेंना सोयीस्करपणे पाठिशी घातलं आहे. सचिन वाझेंना पकडण्यात आलं तर त्यांच्या चौकशीत कुणाची नावं समोर येतील? याची भीती सरकारला वाटते आहे त्यामुळे हे सरकार त्यामुळेच त्यांना पाठिशी घालतं आहे का? सचिन वाझे क्राईम इंटलिजिन्स युनिट मुंबईचे प्रमुख आहेत. या पदावर असल्याने त्यांना या प्रकरणातले पुरावे नष्ट करण्याची पूर्ण संधी आहे असाही आरोप देवेंद्र फडणवीस यांनी केला.

हो मी मिळवला सीडीआर, ज्यांनी खून केला त्याची तर चौकशी करा: फडणवीस

आज गृहमंत्र्यांचं हसं झालं

आज उत्तर देत असताना गृहमंत्री अनिल देशमुख यांचं हसं झालं. आमच्याशी चर्चा केली तेव्हा त्यांनी सचिन वाझेंवर कारवाईचं आश्वासन दिलं होतं मात्र मुख्मयंत्र्यांशी चर्चा केल्यानंतर मात्र त्यांनी आपलं म्हणणं फिरवलं. गृहमंत्र्यांची परिस्थिती फारच वाईट झाली. त्यांना असं वाटलं की डेलकर यांचं नाव पुढे करून ते आम्हाला घाबरवू पाहात होते. मात्र मी डेलकर यांची सुसाईड नोट आणल्यामुळे त्यांना या मुद्द्याबद्दल काही बोलता आलं नाही. आज गृहमंत्र्यांनी आपलं हसं करून घेतलं आहे असंही फडणवीस म्हणाले.