अखेर थलपती विजय यांनी गेम पलटवला, 'त्या' पक्षाचा बिनशर्त पाठिंबा अन् मॅजिक फिगर गाठली!

हेही वाचा : पीएम मोदी पाया पडले अन् आनंदाने मिठीही मारली, माखनलाल सरकार आहेत तरी कोण?

टीव्हीकेकडे सत्तेसाठी लागणाऱ्या जादूई आकड्यापेक्षा अधिक आमदारांचे बळ

दोन वर्षांपूर्वी स्थापन झालेल्या विजय यांच्या 'टीव्हीके' पक्षाने या निवडणुकीत डीएमके आणि एआयएडीएमके सारख्या प्रस्थापित पक्षांना मागे टाकत 108 जागांसह सर्वात मोठा पक्ष म्हणून झेप घेतली आहे. विजय यांनी स्वतः दोन जागांवर विजय मिळवला असला तरी, त्यांना एका जागेचा राजीनामा द्यावा लागणार असल्याने त्यांच्या पक्षाचे प्रभावी संख्याबळ 107 इतके धरले जात आहे. या राजकीय वाटाघाटींमध्ये सत्तास्थापनेचा दावा करण्यासाठी विजय यांना मित्रपक्षांचा पाठिंबा मिळवणे आवश्यक होते. गेल्या चार दिवसांतील तीव्र राजकीय घडामोडींनंतर आता टीव्हीकेकडे सत्तेसाठी लागणाऱ्या जादूई आकड्यापेक्षा अधिक आमदारांचे बळ मिळाले असून राज्यातील राजकीय चित्र पूर्णपणे बदलले आहे.

हेही वाचा : 116, 117 की 118..., थलपती विजय यांना किती आमदारांचा पाठिंबा? राजभवनातील सूत्रांनी आकडा सांगितला

काँग्रेस आणि डाव्यांची आधीच मिळाली होती साथ; आता 120 आमदारांचे भक्कम पाठबळ

विजय यांच्या नेतृत्वाखालील सरकारला काँग्रेसने सर्वात आधी पाठिंबा दिला होता. दोन दशकांपासून असलेली डीएमकेची साथ सोडून काँग्रेसने आपल्या पाच आमदारांसह टीव्हीकेला साथ देण्याचा निर्णय घेतला. त्यानंतर शुक्रवारी चार आमदार असलेल्या डाव्या पक्षांनीही आपले समर्थन जाहीर केले होते. आता व्हीसीके आणि आययुएमएलच्या प्रत्येकी दोन आमदारांचा पाठिंबा मिळाल्याने विजय यांच्या गटाचे एकूण संख्याबळ 120 वर पोहोचले आहे. या आकड्यांचे गणित पाहता टीव्हीकेचे 107, काँग्रेसचे 5, डाव्यांचे 4, व्हीसीकेचे 2 आणि आययुएमएलचे 2 असे एकूण 120 आमदार आता विजय यांच्या मुख्यमंत्रिपदाच्या दाव्यासाठी राज्यपालांकडे आपली संमती दर्शवणार आहेत.

राजकीय पेच सुटला; सत्तेच्या संघर्षात 'जननायक' स्टारची सरशी

गेल्या काही दिवसांपासून व्हीसीके आणि आययुएमएलने आपली भूमिका स्पष्ट न केल्यामुळे तामिळनाडूच्या सत्तेचा पेच अडकून पडला होता, मात्र आता त्यांच्या अधिकृत पाठिंब्यामुळे हा पेच पूर्णपणे सुटला आहे. सत्तेसाठी 118 आमदारांची आवश्यकता असताना 120 आमदारांचे पाठबळ मिळाल्याने विजय यांचा शपथविधी आता निश्चित मानला जात आहे. अवघ्या दोन वर्षांच्या राजकीय प्रवासात विजय यांनी प्रस्थापित राजकारणाला दिलेले हे मोठे आव्हान यशस्वी ठरले असून, लवकरच ते तामिळनाडूच्या मुख्यमंत्रिपदाची धुरा हाती घेतील. राज्यातील जनतेचे आणि राजकीय विश्लेषकांचे लक्ष आता शपथविधीच्या अधिकृत घोषणेकडे लागले असून तामिळनाडूमध्ये एका नवीन राजकीय पर्वाची सुरुवात होताना दिसत आहे.

इतर महत्त्वाच्या बातम्या 

पुणे : 'टेरेसवर पाण्याची टाकी दाखवतो', वॉचमॅन 4 चिमुकल्या मुलींना 7 व्या मजल्यावर घेऊन गेला; अन्...