Devendra Fadnavis: 'अजितदादा माझं खातं मागतील, पण मी त्यांना ते देणार नाही...', बारामतीत येऊन फडणवीस असं का म्हणाले?

Devendra Fadnavis on Ajit Pawar Home Ministry: बारामती: 'दादा मला हळूच म्हणतील की, पीएमसी का? गृह खातंच मला द्या.. मी पण ते मी देणार नाही..' असं विधान गृहमंत्री देवेंद्र फडणवीस यांनी बारामतीच्या कार्यक्रमात केलं आहे. खरं तर फडणवीसांनी हे विधान अजित पवार यांचं कौतुक करताना केलं आहे. बारामतीमध्ये शासनाच्या वतीने महारोजगार मेळाव्याचं आयोजन करण्यात आलं होतं. त्यावेळी बोलताना देवेंद्र फडणवीस यांनी बारामतीमधील नव्याने बांधण्यात आलेल्या शासकीय इमारती आणि बस स्टँडबाबत बोलताना अजित पवार यांचं तोंडभरून कौतुक केलं. (ajit dada will ask for my home ministry but I will not give it to him why did devendra fadnavis say this when he came to baramati)

देवेंद्र फडणवीसांकडून अजितदादांचं कौतुक, पण गृहखातं मात्र...

बारामती बोलताना देवेंद्र फडणवीस म्हणाले की, 'महारोजगार हा पहिला मेळावा आपण नागपूरला घेतला. त्यावेळी 11 हजार जणांना रोजगार मिळाला. मुख्यमंत्री एकनाथ शिंदे यांनी हा निर्णय केला की, एक चांगला मेळावा अशा प्रकारचा घेतला तर त्यातून तरुणाईला काम देता येतं. त्यानंतर संपूर्ण महाराष्ट्रभर असे मेळावे करावे असा निर्णय झाला. त्यातील पश्चिम महाराष्ट्रातील मेळावा हा बारामतीत होत आहे.' 

'या मेळाव्याकरिता अजित पवार यांनी भरपूर मेहनत केली आहे. त्यामुळे आज मला विश्वास आहे की, पहिल्यांदा असं होतंय की, अधिसूचित केलेली पदं जास्त आहेत पण अर्ज कमी आहेत. 36 हजार अर्ज आहेत आणि 55 हजार पदं आहेत. रोजगार देण्याचं काम निश्चितपणे मोठ्या प्रमाणात करणार आहोत. त्याची सुरुवात आता झाली आहे.'

हे ही वाचा>> Gautam Gambhir : गौतम गंभीर राजकारणातून 'आऊट'

'आज या महारोजगार मेळाव्यासोबत अनेक चांगल्या इमारतींचं उद्घाटन केलं. विशेषत: जो बारामतीचा बस स्टँड आहे तो एखाद्या एअरपोर्टसारखा वाटावा अशा प्रकारचा बस स्टँड बारामतीला मिळाला आहे.' 

'या ठिकाणी बारामतीत पोलीस स्टेशन असेल, पोलीस उपमुख्यालय असेल.. किंवा पोलिसांकरिता क्वॉर्टस असतील हे सरकारी बांधकाम आहे असं वाटतच नाही. एखाद्या कॉर्पोरेट कंपनीचं ऑफिस असावं अशा प्रकारचं पोलीस उपमुख्यालय दादा तुम्ही बारामतीकरांना दिलंय.'

'आता दोन गोष्टी यातून होतील की, माझ्या मागे.. की आम्हाला बारामतीलाच पोस्टिंग द्या. कारण एवढं चांगलं कार्यालय आणि निवासस्थान हे बारामतीलाच उपलब्ध आहे.' 

हे ही वाचा>> 'सत्तातुरांना ना भय ना लज्जा!', 'सामना'तून सरकारचे वाभाडे