या सर्व घडामोडींच्या पार्श्वभूमीवर, मनसेप्रमुख राज ठाकरे यांनी सोशल मीडियावर एक पोस्ट करत मुंबईत महामोर्चा काढणार असल्याचे जाहीर केले आहे. येत्या 4 ऑक्टोबर रोजी मुंबईत हा महामोर्चा काढण्यात येणार आहे. राज ठाकरे यांनी आपल्या पोस्टमध्ये नेमकी काय भूमिका मांडली आहे, जाणून घेऊया.

राज ठाकरे यांची पोस्ट जशीच्या तशी 

देशातील सत्ताधारी पक्षाची जणू काही आपण शाखाच आहोत अशा पद्धतीने मुख्य निवडणूक आयुक्त ज्ञानेश कुमार यांच्या नेतृत्वाखाली निवडणूक आयोगाने ‘एसआयआर’च्या नावाखाली मतदारांची जी घोर फसवणूक केली आहे त्याविरोधात महाराष्ट्र नवनिर्माण सेना आणि शिवसेना येत्या ४ ऑक्टोबर २०२६ ला मुंबईत एक जनमोर्चा काढणार आहे. या मोर्चाच्या आयोजनात जरी महाराष्ट्र नवनिर्माण सेना आणि शिवसेनेचा पुढाकार असला तरी हा जनतेचा मोर्चा आहे आणि हा एका पक्षापुरता न राहता तो तमाम राजकीय व्यवस्थेचा आणि जनतेचा आवाज ठरेल यासाठी आम्ही सर्व राजकीय पक्षांना या मोर्चा मध्ये सहभागी होण्यासाठी संवाद साधणार आहोत. 

हे ही वाचा : उमरखेड हादरले! वेल्डिंगदरम्यान भीषण स्फोट, दोघांचा करुण अंत

अर्थात महाराष्ट्रातील जनतेलाच आवाहन आहे की  आपण मोठ्या संख्येने या मोर्च्यात सहभागी व्हा. 

बाकी मोर्च्याची वेळ आणि ठिकाण लवकरच कळवण्यात येईल. तेंव्हा एसआयआरविरोधातील या जन मोर्च्यात भेटूया !
या , देशातील लोकशाही आणि या देशाचे संविधान वाचवण्यासाठी एकत्र या ! 

राज ठाकरे - उद्धव ठाकरे