बाळासाहेब थोरात स्पष्टीकरण देताना काय म्हणाले?

बाळासाहेब थोरात म्हणाले, घराणेशाहीचा आरोप कोणी कोणावर करावा, अशी परिस्थिती राहिलेली नाही. सगळ्या पक्षांमध्ये सर्वांची घराणेशाही जोरदार सुरु आहे. त्यामुळे घराणेशाहीचा आरोप कोणी कोणावर करु नये. विधानसभा निवडणूक होऊन वर्ष झालंय. गेल्या वर्षभरात संगमनेरमध्ये गुंडगिरी वाढली आहे. अंमली पदार्थांचा काळा बाजार वाढलाय. संगमनेर शांत होतं, येथे बंधूभावाचं वातावरण होतं. ते पूर्णपणे बिघडून गेल्याचं दिसत आहे. त्यामुळे अशा परिस्थितीत सर्वांना बरोबर घ्यायची, आमची जबाबदारी आहे. ज्याला वाटतं संगमनेरची अर्थव्यवस्था टिकली पाहिजे. संगमनेर सुंदर शहर म्हणून पुढे आलेलं आहे. त्यांचं सौंदर्य कायम टिकलं पाहिजे. त्या सर्वांना सोबत घेण्याची वेळ आमच्यावर आली आहे. माझ्या अंतकरणामध्ये काँग्रेस आहे. ते कोणीच काढू शकत नाही. आमच्या विचारामध्ये शहर भक्कमपणे उभा आहे. स्थानिक स्वराज्य संस्थांच्या निवडणुकांमध्ये 1991 पर्यंत कोणी पक्षाचं चिन्ह वापरत नव्हतं. आमच्या शहरावर जे अतिक्रमण रोखण्यासाठी आम्ही प्रयत्न करत आहोत. काँग्रेस म्हणून आम्ही एक पाऊल मागे गेलो असेल. मात्र, आम्ही यातून लोकांचं हित जपण्याच काम करत आहोत.

हेही वाचा : शिवसेना उमेदवाराच्या कारने चौघांना चिरडलं, अंबरनाथमध्ये भीषण अपघात, हादरवणारा video बघाच

संगमनेरच्या नगराध्यक्षपदासाठी सत्यजित तांबे यांच्या पत्नी मैदानात

सत्यजित तांबे यांच्या पत्नी, डॉ. मैथिली तांबे या नगराध्यक्षपदासाठी रिंगणात उतरल्या आहेत. या निवडणुकीत त्यांनी काँग्रेसऐवजी नेताजी सुभाषचंद्र बोस यांनी स्थापन केलेल्या ऑल इंडिया फॉरवर्ड ब्लॉक या पक्षाचं सिंह चिन्ह स्वीकारलं आहे. थोरात आणि तांबे यांच्या या भूमिकेमुळे संगमनेरची निवडणूक पुन्हा एकदा चर्चेच्या केंद्रस्थानी आली आहे.

संगमनेर नगरपालिका निवडणुकीची सर्व जबाबदारी बाळासाहेब थोरातांनी सत्यजित तांबे यांच्या हाती सोपवली. तांबे यांनी ही निवडणूक ‘संगमनेर सेवा समिती’च्या माध्यमातून लढवण्याचा निर्णय घेतला आहे. त्यांच्या पत्नी डॉ. मैथिली तांबे या ऑल इंडिया फॉरवर्ड ब्लॉकतर्फे उमेदवार आहेत. तांबे यांनीही या पक्षाचे सिंह चिन्ह घेऊनच निवडणूक लढवायचे ठरवले आहे. ऑल इंडिया फॉरवर्ड ब्लॉक आणि त्यांच्या सिंह चिन्हावर निवडणूक लढवण्याचा थोरात आणि तांबे यांचा निर्णय संगमनेरच्या गल्लीपासून राज्य व राष्ट्रीय काँग्रेस नेतृत्वापर्यंत चर्चेचा विषय ठरला आहे.

इतर महत्त्वाच्या बातम्या 

मी थकलोय, मुलांची काळजी घ्या; मतदार याद्यांच्या कामाचा तणाव, BLO ने गळफास घेऊन आयुष्य संपवलं