शिवसेना उमेदवाराच्या कारने चौघांना चिरडलं, अंबरनाथमध्ये भीषण अपघात, हादरवणारा video बघाच

हे ही वाचा : जालन्यात 13 वर्षीय शाळकरी मुलीने उचललं टोकाचं पाऊल, शाळेच्या तिसऱ्या मजल्यावरून उडी मारत संपवलं आयुष्य

ड्रायव्हरचा ताबा सुटल्याने भीषण अपघात

अंबरनाथ पूर्व आणि पश्चिम भागाला जोडणाऱ्या उड्डाणपुलावर वाहतूक कोंडीची समस्या नेहमी भेडसावत असते. त्याच ठिकाणी किरण चौबे या हुतात्मा चौकाहून कारमधून येत असताना हा भीषण अपघात झाला. अपघाताचं कारण समोर आलं आहे. किरण चौबेंच्या कारचा ड्रायव्हर लक्ष्मण शिंदेंना हृदयविकाराचा झटका आल्याने कारवरील ताबा सुटून हा भीषण अपघात झाला. 

किरण चौबे काय म्हणाल्या?

ही धडक इतकी जोराची होती की एकजण थेट ब्रिजच्या खाली कोसळला. तर काही जण ब्रिजवरतीच आदळल्याचे चित्र दिसून आले. तसेच काही जण जखमी देखील झाल्याचे सांगण्यात येत आहे. घटनेनंतर प्रत्यक्षदर्शींंनी कारची खिडकी तोडून शिवसेनेच्या उमेदवार किरण चौबे यांना बाहेर काढले. त्यांना एका खाजगी रुग्णालयात दाखल करण्यात आले आहे. चौबे म्हणाल्या की, ड्रायव्हर अचानकपणे बेशुद्ध पडला आणि गाडी वेगाने नियंत्रणाबाहेर गेली. 

हे ही वाचा : चंद्रपूर हादरलं! हॉस्टेलमध्ये मानसिक त्रास, अखेर 17 वर्षाच्या तरुणाने दोर आवळत संपवलं जीवन, 'त्या' चौघांचं नाव समोर

घटनेचा थरार सीसीटीव्हीत कैद 

दरम्यान, या अपघाताचा व्हिडिओ हा व्हायरल होत आहे. या घटनेचा थरार हा सीसीटीव्ही कॅमेऱ्यात कैद करण्यात आला आहे. व्हिडिओत पाहिलं तर दिसतं की, काही मुलं घटनास्थळी दाखल झाले आहेत. या प्रकरणाची पोलीस चौकशी करत आहेत. या घटनेतील जखमींवर उल्हसनगरच्या मध्यवर्ती रुग्णालयात उपचारासाठी पाठवले आहे. या अपघातात चौघांचा मृत्यू झाला आहे.