नवनाथ बन यांच्यावर मोठी जबाबदारी, कृष्णराज महाडिक अन् राम सातपुतेंचं 'वजन' वाढलं, भाजपकडून नव्या पदाधिकाऱ्यांची नेमणूक

रवींद्र चव्हाण काय म्हणाले?

रवींद्र चव्हाण यांनी सांगितले की, काही महिन्यांपूर्वी पक्षाच्या केंद्रीय नेतृत्वाकडून त्यांच्यावर प्रदेशाध्यक्षपदाची जबाबदारी सोपवण्यात आली होती. मात्र त्यानंतर राज्यात आचारसंहिता लागू झाली आणि स्थानिक स्वराज्य संस्थांच्या निवडणुका पार पडल्या. या पार्श्वभूमीवर नव्या पदाधिकाऱ्यांची निवड प्रक्रिया निवडणुकांनंतरच पूर्ण करण्याचा निर्णय वरिष्ठ नेत्यांनी घेतला होता. ते पुढे म्हणाले की, राष्ट्रीय अध्यक्ष नितीन नबिन, केंद्रीय नेते अमित शाह, बी. एल. संतोष, शिव प्रकाश तसेच मुख्यमंत्री देवेंद्र फडणवीस आणि राज्यातील अन्य महत्त्वाच्या नेत्यांशी चर्चा करूनच या नियुक्त्या निश्चित करण्यात आल्या. सर्व घटकांचा विचार करून संतुलित पद्धतीने ही रचना तयार करण्यात आल्याचे त्यांनी स्पष्ट केले.

“भाजपमध्ये काम करणारा प्रत्येक कार्यकर्ता पक्षासाठी महत्त्वाचा आहे. अनेकांनी दीर्घकाळ संघटन वाढीसाठी परिश्रम घेतले आहेत. मात्र प्रदेश पातळीवरील पदांची मर्यादा लक्षात घेता सर्वांना एकाचवेळी जबाबदारी देणे शक्य होत नाही. ज्यांची निवड झाली आहे त्यांचे अभिनंदन; तर ज्यांना यावेळी संधी मिळाली नाही, त्यांनाही इतर माध्यमांतून जबाबदाऱ्या दिल्या जातील,” असे रवींद्र चव्हाण यांनी नमूद केले. प्रमुख मोर्चा आणि आघाड्यांतील काही पदांची घोषणाही करण्यात आली असून उर्वरित नियुक्त्या टप्प्याटप्प्याने जाहीर केल्या जातील, असेही त्यांनी सांगितले.

जाहीर करण्यात आलेली नावे

मुख्य प्रवक्ता

 नवनाथ बन

प्रदेश उपाध्यक्ष

अतुल काळसेकर
 भारती पवार
संजय कोरगे
संजय भेंडे
 रामदास कडस
केशव उपाध्ये
 गोपीचंद पडळकर
 प्रिया शिंदे
सुजय विखे पाटील
अर्चना पाटील चाकूरकर

सरचिटणीस

निरंजन डावखरे
संजय कुटे
माधवी नाईक
राजेश पांडे
सुनिल राणे
 योगेश सागर

चिटणीस

मंगेश चव्हाण
संजय कुटे
 परिणय फुके
वर्षा डहाळे
संजय जगताप
अर्चना डेहणकर
 रोहिणी नायडू
 राम सातपुते
प्रविण घुगे
रेखा कुलकर्णी
भैरवी घाक

भाजप युवा मोर्चा अध्यक्ष – कृष्णराज महाडिक
भाजप महिला मोर्चा अध्यक्ष – चित्रा वाघ
भाजप ओबीसी मोर्चा अध्यक्ष – योगेश टिळेकर

कोषाध्यक्ष

मिहिर कोटेचा

या नव्या रचनेमुळे राज्यातील पक्ष संघटना अधिक मजबूत होईल, असा विश्वास पक्ष नेतृत्वाने व्यक्त केला आहे.