आम्हाला धमक्या देता, मी शंकरराव मोहिते पाटलांचा नातू; धैर्यशील मोहितेंचा राम सातपुतेंना छातीठोक इशारा VIDEO

अकलूज नगरपालिका निवडणुकीच्या प्रचारासाठी मोहिते पाटील यांची सभा झाली. यावेळी माढ्याचे खासदार धैर्यशील मोहिते पाटील आक्रमक झालेले पाहायला मिळाले. यावेळी जयसिंह मोहिते पाटील यांनी विधानसभा निवडणुकीमध्ये भाजपकडून आलेल्या 35 कोटीच्या ऑफरचा मोठा खुलासा केला. त्यानंतर आता अनेक चर्चांना तोंड फुटले आहे.

हेही वाचा : बारामतीसह महाराष्ट्रातील 3 नगरपालिकांसदर्भात निवडणूक आयोगाचा मोठा निर्णय, मतदानासाठी नव्या तारखा जाहीर

रामभाऊ माझ्याकडे आला, आतून पाठिंबा देण्यासाठी 35 कोटी देतो म्हणाला - जयसिंह मोहिते 

जयसिंह मोहिते पाटील म्हणाले, विधानसभा निवडणुकीवेळी माळशिरस मतदारसंघात आपण आतून पाठिंबा द्यावा, यासाठी देवेंद्र फडणवीस यांच्यासमोर राम सातपुते यांनी आपल्याला 35 कोटी रुपयांची ऑफर दिली होती. तर मतदानापूर्वी तुम्ही शांत रहा म्हणून 50 कोटी रुपयांची ऑफर आली. पण आम्ही उत्तम जानकर यांना शब्द दिला होता. तो शब्द आम्ही पाळला, असा गौप्यस्फोट जयसिंह मोहिते पाटील यांनी केलाय.

मोहिते पाटलांचे अकलूजकरांवर आणि अकलूजकरांचे मोहिते पाटलांवर खूप प्रेम आहे. जेव्हा अकलूजकर अडचणीत असतात तेव्हा मोहिते पाटील धावून येतात. जेव्हा मोहिते पाटील अडचणीत असतात तेव्हा सर्व अकलूजकर बाजीप्रभू प्रमाणे समोर उभे राहतात, अशा शब्दात जयसिंह मोहिते पाटलांनी अकलूजकरांशी असलेले नाते सांगितले. यावेळी सर्व 26 नगरसेवक आणि एक नगराध्यक्ष मोठ्या फरकाने विजयी होतील, असा विश्वास जयसिंह मोहिते पाटील यांनी व्यक्त केला.

इतर महत्त्वाच्या बातम्या 

'मी इथे झोपा काढायला आलो नाही, तर काहींच्या झोपा उडवायला आलो...', एकनाथ शिंदे थेट भाजपला घेणार शिंगावर?