'मी इथे झोपा काढायला आलो नाही, तर काहींच्या झोपा उडवायला आलो...', एकनाथ शिंदे थेट भाजपला घेणार शिंगावर?

शिंदेंनी थेट भाजपला घेतलं शिंगावर?

सभेत बोलताना उपमुख्यमंत्री शिंदे म्हणाले की, 'बदलापूर माझ्यासाठी नवीन नाही आणि मीही बदलापूरकरांसाठी नवीन नाही. येथे माझ्या लाडक्या बहिणी मोठ्या संख्येने आल्या आहेत. मी त्यांचे मनापासून स्वागत करतो. महिलांचा क्रमांक मतदान पेटीत नेहमी पहिल्या क्रमांकावर असतो.'

हे ही वाचा>> ठरलं! राज्यात ZP च्या निवडणुका दोन टप्प्यात? समजून घ्या नेमकं राजकारण आणि बरंच काही

ते पुढे म्हणाले, 'बदलापूर म्हणजे शिवसेनेचा बालेकिल्ला. या शहरात शिवसेनेने सर्वात मोठ्या प्रमाणात विकासकामे केली आहेत. मोठ्या निधीची तरतूद करून महत्त्वाची कामे पूर्ण करण्यात आली. हा निधी बदलापूरसाठी आणण्याचे कार्य वामन म्हात्रे यांनी केले. काही लोक फक्त निधी घेऊन जातात, काय करतात ते माहीत नाही; पण शिवसेनेने प्रत्यक्ष काम करून दाखवले.'

उपमुख्यमंत्री शिंदे यांनी आपल्या कार्यकाळातील विकासकामांची माहिती देताना सांगितले की, 'मुंबई आणि एमएमआर परिसरात मेट्रोचे जाळे, मोठे रस्ते, पायाभूत सुविधा उभारण्याची मोठी कामे सुरू केली. पूर्वीचा बदलापूर आणि आताचा बदलापूर यात मोठा फरक आहे. त्यामुळे पायाखालची वाळू सरकलेली काही लोकांना पराभव दिसू लागला आहे.'

हे ही वाचा>> निलेश राणेंना मोठा दणका, भाजप कार्यकर्त्याच्या घरात घुसणे महागात पडले, पोलिसांकडून मोठी कारवाई

ते म्हणाले, 'काम केले असेल तर बोलणारच; आणि शिवसेनेने काम केले आहे. मी इथे झोपा काढायला आलो नाही, तर काहींच्या झोप उडवायला आलो आहे. महाराष्ट्रभर फिरून विकासाला चालना देण्याचे काम केले. त्यामुळे बदलापूरला मोठे प्रकल्प मिळाले.'

यावेळी काही लोक नाव न लिहिता निधी घेऊन जात असल्याचा उल्लेख करत शिंदेंनी पुन्हा म्हटले की, 'मुख्यमंत्री सहाय्यता निधीसाठी आलेला एकही माणूस आमच्याकडून रिकामा गेला नाही. त्यामुळे माझ्या लाडक्या बहिणी सर्वत्र माझी वाट पाहतात. अडीच वर्षांच्या कार्यकाळात केलेल्या कामांमुळे जनतेत विश्वास निर्माण झाला आहे.'

बदलापूरामध्ये झालेला लहान मुली सोबत लैंगिक अत्याचार प्रकरणी एकनाथ शिंदे म्हणाले की, 'अन्यायाविरुद्ध उभे राहणे ही शिवसेनेची परंपरा आहे. छोट्या मुलींवर झालेल्या अन्यायाच्या प्रकरणातही शिवसेनेनेच योग्य पावले उचलली. बदलापूरमध्ये काम बोलत आहे आणि हीच कामे आगामी निवडणुकीत विजय मिळवून देतील.'