होम
राजकीय आखाडा
मुंबई Tak बैठक
निवडणूक
गुन्ह्यांची दुनिया
शहर-खबरबात
राशीभविष्य-धर्म
पैशाची बात
फोटो गॅलरी
हवामानाचा अंदाज
टॉपिक
gen z cjp mood of the nation survey : दिल्लीतील जंतर-मंतरवर NEET पेपरफुटीच्या मुद्द्यावरून झालेल्या Gen Z विद्यार्थी आंदोलनामुळे Cockroach Janta Party (CJP) चर्चेत आली. आंदोलनातून निर्माण झालेली लोकप्रियता आता राजकीय पक्षाच्या रूपात मतांमध्ये कितपत रूपांतरित होऊ शकते, याबाबत Mood of the Nation (MOTN) Survey मधून महत्त्वाचे संकेत समोर आले आहेत. सर्वेक्षणानुसार, CJP ने आज राजकीय पक्ष म्हणून निवडणूक लढवली तर 43 टक्के लोकांनी आपण CJPला मतदान करणार नसल्याचे सांगितले आहे. तर 33 टक्के लोकांनी CJPला मतदान करण्याची तयारी दर्शवली असून, 24 टक्के मतदारांनी अद्याप आपली भूमिका निश्चित नसल्याचे सांगितले आहे. त्यामुळे आंदोलनातून मिळालेली लोकप्रियता आणि प्रत्यक्ष निवडणुकीतील मतांचा कल यामध्ये अंतर असल्याचे या आकडेवारीतून दिसून येते.
ADVERTISEMENT
हेही वाचा : 76 वर्षीय महिलेची बलात्कार करुन हत्या, त्याआधी तीन वर्षीय चिमुकलीवर...
रोजगार हा भारतासमोरील सर्वात मोठा प्रश्न असल्याचे 53 टक्के तरुणांचे मत
इंडिया टुडे ग्रुप आणि C-Voter यांच्याकडून वर्षातून दोनदा Mood of the Nation Survey केला जातो. ऑगस्ट आणि जानेवारी महिन्यात हा सर्वेक्षण केला जातो. यावर्षी देशभरातून जवळपास 91 हजार नागरिकांचे सॅम्पल घेण्यात आले. या सर्वेक्षणात तरुणांशी संबंधित अनेक महत्त्वाच्या प्रश्नांवर नागरिकांची मते जाणून घेण्यात आली. Gen Z संदर्भातील प्रश्नांमध्ये नोकऱ्या आणि रोजगार हा भारतासमोरील सर्वात मोठा प्रश्न असल्याचे 53 टक्के तरुणांनी सांगितले. त्यानंतर शिक्षण आणि परीक्षांशी संबंधित मुद्द्याला 22 टक्के तरुणांनी महत्त्व दिले. महागाई आणि Cost of Living हा मुद्दा 12 टक्के तरुणांनी महत्त्वाचा असल्याचे सांगितले.
हेही वाचा : अंबरनाथ : कारमधून उपचारासाठी नेताना अल्पवयीन भाचीवर अत्याचार, मामाला अटक
कौशल्याला अनुरूप नोकऱ्या उपलब्ध नसल्याचे 17 टक्के तरुणांनी सांगितले
देशातील रोजगाराच्या परिस्थितीबाबतही तरुणांनी आपली भूमिका स्पष्ट केली. देशात पुरेशा नोकऱ्या उपलब्ध नसणे ही सर्वात मोठी रोजगाराची समस्या असल्याचे 32 टक्के तरुणांनी सांगितले. मिळणारे वेतन अत्यंत कमी असल्याचे 18 टक्के तरुणांचे म्हणणे आहे. तर आपल्या शिक्षण आणि कौशल्याला अनुरूप नोकऱ्या उपलब्ध नसल्याचे 17 टक्के तरुणांनी सांगितले. सरकारी भरती आणि प्रवेश परीक्षांच्या पारदर्शकतेबाबतही तरुणांमध्ये चिंता असल्याचे सर्वेक्षणातून समोर आले. देशातील परीक्षा फारशा पारदर्शक नसल्याचे 27 टक्के तरुणांनी, तर परीक्षा पारदर्शक नसल्याचे 40 टक्के तरुणांनी सांगितले. केवळ 14 टक्के तरुणांनी परीक्षा पारदर्शक असल्याचे मत व्यक्त केले.
सरकारने सध्या कोणत्या क्षेत्राला प्राधान्य द्यावे, या प्रश्नावर 23 टक्के तरुणांनी शिक्षण आणि आरोग्य क्षेत्रासाठी बजेट वाढवण्यावर भर दिला. तर 21 टक्के तरुणांनी पायाभूत सुविधा आणि Capital Expenditure वर सरकारने लक्ष केंद्रित करावे, असे म्हटले. 8 टक्के तरुणांनी कर कमी करण्याची, तर 4 टक्के नागरिकांनी सामाजिक सलोखा सुधारण्याची गरज व्यक्त केली. याच सर्वेक्षणात Cockroach Janta Party संदर्भातही प्रश्न विचारण्यात आला. CJP ने दबावगट म्हणूनच काम करत राहावे, असे 39 टक्के लोकांचे मत आहे. तर CJP ने राजकीय पक्ष बनून निवडणूक लढवावी, असे 26 टक्के तरुणांना वाटते. त्यामुळे CJPच्या राजकीय भवितव्याबाबत मतदारांमध्ये अद्याप संमिश्र भूमिका असल्याचे सर्वेक्षणातील आकडेवारीतून दिसून येते.
ADVERTISEMENT
